Pa le Rachoch ri Nimawokajil Ajchajil Tinamit ri’, xb’an wi kanimaq’ij ri Ixoqib’ pa le okem nimatziij ub’i’ “Uwa’lijsaxik ri Junamil rech Achk’ulaj”, pa le nimaq’ij ri’ are jun xk’oji ri Viceministra rech Q’atel b’anoj k’ax, pa le uwa’lijsaxik ya’el tob’anik chi ke ri ixoqib’ che ri e k’o pa le wokajil ajchajil tinamit.

Eri nimaq’ij ri’ are xb’an rumal ri Unidad rech Género rech ri Subdirección General rech Q’atel k’ax ri’ rech ri PNC, chi’ k’u ri’ xetatb’en wi e 500 chi ixoqib’ rech ri jalajoj taq jachakunb’al rech ajchajil tinamit.

Eri viceministra rech Q’atel k’ax Claudia Haydée Díaz Léon, xujach jun chi ke ri waqxaqib’ na’tib’al ch’akb’al chi ke ixoqib’ ri qas utz xkib’ano pa le 2019, eri ixoqib’ ri’ e rech taq ri Jachakunb’al rech Lobos Grill, rech DISETUR, rech ri Comisaria 14, rech ri Sección 110, rech ri Ilonem chi ke winaq kiraqom k’ax, rech ri DGPD, rech ri Tecnología xuquje’ Investigación Criminal ri’.

Xuquje’ xub’ij: “Jujun ixoq ri’ are k’o winaq kib’anik, rajawaxik keqaloq’oj ri ixoqib’, eri ix k’o jun nim upatan ri’, chikowij iwib’, mixe’j iwib’, chiterenb’ej ichak ri’ rumal k’ut ya’tal ronojel chi we pa le wokajilal ri’”, xcha’ ri viceministra.

Eri subdirector General rech Q’atel k’ax, Erick Tortola, xujach’ jun na’tib’al ch’akb’al ri’ che ri viceministra rech q’atel k’ax Claudia Haydée Díaz, pa le Kanimaq’ij ri Ixoqib’ che ri xb’an ri’.