Eri Q’atb’altzij rech ri Wokajil Ajchajil Tinamit xkijach uwch ri ub’ixikil rech ri Cholchak rech Ya’olchajinik xkib’an pa le ukab’ cha’onem k’ak’ k’amal b’e pa amaq’ ri’

29

Pa ronojel e k’o 938 chi winaqil xechapatajik rumal jalajoj b’anoj k’ax xkib’an ri’, are xk’is rajilab’al b’anoj chajinem kumal e ajchajil tinamit ri’, pa le amaq’ pa le ukab’ b’anoj cha’onem k’ak’ k’amal b’e amaq’ ri’, xecha’ ri q’atb’altzij rech ajchajil tinamit.

E runimal rajilab’al kchapik winaqil xkib’an k’ax ri’ aretaq rumal tijow tzam ri’, e k’o e 703 chi winaqil xeq’ab’ar ri’, waqib’ chi ke k’o ch’oj xkib’ano eri jun chik rumal jun chik umak ri’, eri 229 chik xechapatajik rumal nik’aj chik b’anoj k’ax.

Eri PNC, xkiya’ utziol che ri e ajchajil tinamti ri’ k’o wuqub’ chi ch’ich’ xekowinik xkiraqo, ruk’ 9 chi kejch’ich’ xuquje’ ruk’ 20 chi k’aqb’alil ri’.

Eri e ajchajil tinamit ri’ xkiya’o ub’ixik che k’o e k’i eqa’lenelab’ ajchajil tinamit xetaq pa ya’olchajinem ri’ rumal ri’ xq’atatajik b’anoj k’ax ri’ pa le 37 chi uq’ab’ taq tinamti ri’, are wa’ xkichakuj pa le q’ij viernes k’a pa domingo ri’.

Eri ub’anikil ya’olchajinik xb’antaj ri’

Eri b’anoj ya’olchajinik xb’antaj kumal e ajchajil tinamit ri’ are pa taq k’ulb’a’t juyub’ pa amaq’ xuquje’ pa taq le wokajil japache’, ruk’ taq utob’anik ri ch’ich’ rech J-8, rech xek’oji pa ya’olchajinem pa taq uk’olib’alil xb’an wi cha’onik pa taq tinamit rech uq’atexik b’anoj k’ax ri’, kab’ixik k’o b’anoj k’ax xekowin che uq’atexik pa aninaqil ri’ rumal taq le utzijolil xpan pa kq’ab’ ri’.

Xuquje’ eri eqa’lenelab’ sib’alaj xjach kuwach pa taq le tinamit che ri xilik k’o wi b’anoj taq ch’ojinem ri’, xuquje’ k’o ya’olchajinem xb’an pa japache’ pa we amaq’, xuquje’ e k’o winaq xechapik ri taqom kichapik ruma q’atb’altzij, xuquje’ k’o nimalaj ya’ochajinem xkib’an ri’ xuquje’ k’o tzukunik xkib’an chi ke taq winaqil pa we amaq’ tinamit ri’ are rech pa le unimaxik ri Taqanem rech xq’alanik rech majun kutij tzam pa taq le q’ij ri’.