Eri q’atb’altzij rech Taqachajinem pa Amaq’ k’o na ri tob’anem kakiya’ chi ke ri CAIMUS

Pa taq le ya’ol ub’ixik kuk’ ri wokajil e ajq’axal tzij tzijilinem ri’, eri Q’atb’altzij rech ri Taqachajinem pa Amaq’, Gendri Reyes, xub’ij che kechoman na kuk’ ri Centros rech Atención Integral chi ke Ixoqib’ Kiriqom k’ax ri’ )CAIMUS), tajin ke’opan pa chomanem pa Petén, Cob’an, rech kakib’an jun nim achb’ilanem ri’ rech choman q’atenik k’ax, jacha’ ri b’anoj kunanik ri’, rech no’jaliminem xuquje’ ri q’atoj tzij chi ke wari’.
 “Pa keqele’nik ri k’i patan chakunja ri’ xuquje’ ruk’ ri q’atoj pwaq rech tojb’al chak rech 2018 ri xk’ex Q. 9.5 millones che upwaqil rech tojb’al uchak ri CAIMUS rech are kachakun na kuya’o jun nim tob’anik pa le upatan chomanem chi ke ri ixoqib’ kiriqom ri k’ax, are e achb’ilam ri’ chi rij taq b’anoj uchomaxik q’atenik ri k’ax ri’, che ri k’o wi chakunja rech pa taq q’ijol ri’ ke’uto’o ri taq ali, taq ala xuquje’ ri e q’apojil, are wa’ jun b’anoj pa junamil rech are kaq’atexik ri b’anol k’ax kumal ri itzel winaq chi ke ri ixoqib’ ri’” xcha’ ri Reyes.
Ruk’ wa’ sib’alaj kutun rib’ ri chak che ri tajin kub’an ri Subdirección General rech Prevención rech ri  Delito, chi rij k’ut katajin wi ya’el uchuq’ab’ ri cholchak pa we amaq’ tinamit, ruk’ taq spots pa q’axal tob’altzij, ruk’ ukojik ri wujtzijol cho taq xan pa tinamit xuquje’ ri riqb’alil kuk’ ri k’amal taq b’e komon winaqilal ri’.
K’a te kanoq eri Reyes xtatb’enik pa le CAIMUS rech Escuintla, chi’ k’u ri’ e k’o k’i ixoqib’ kuk’ taq kal xejat loq rech sib’alaj xkimaltyoxij ri tob’anem ya’om chi ke pa kino’jalixik, chi rij uch’ob’ik b’anoj taq chak taqkil kumal ri’.

Alerta de Corrupción

Ultimas noticias