Taqim k’ut ri b’anoj solinem pa taq le japache’ pa we amaq’, rumal ri’ eri pa wuqq’ij ri’ eri k’amal b’e rech ri Wokajil Japache’, Luis Rodolfo Escobar xopa che solinik pache’ kech achijab’ xuquje’ ixoqib’ ri’ ri e k’o pa reqale’n ri Wokajil Ajchajil Tinamit (PNC) k’o pa tinamit rech Chinab’jul.
Eri rajtzijolinel ri taqawokajil ri’ Carlos Morales xuya’ utzijol eri solinem ri’ are rech kil kuwach jas kib’anom ri e tz’apil pache’ ri’ rumal ri’ e q’axim ta pa jun chik tz’apib’al ri’.
Pa le b’anoj solinem ri’, eri Escobar xuril k’ut che k’o jujun taq itzelal pa taq le rachoch le japache’ tz’apib’al kech ixoqib’, rumal ri’ are kachomax na rech kab’an utzilem chi ke ri e tz’apil pache’ ri’.
“Kaqach’ob’ uj che ri ixoqib’ e tz’apilik ri’ rajwaxik pa aninaqil keq’axaxik pa le Japache’ ri’, eri kachoman wari’ are ri Organismo Judicial, rech uq’atexik jun itzelal ri’”, xcha’ ri K’amal b’e ri’.
Eri Escobar, xk’oji pa jun nim riqb’al ib’ ruk’ ri’ gobernador departamental, kuk’ ri diputado rech pa rulewal tinamit ri’, kuk’ ri reqa’lenel ri Wokajil Ajchajil Tinamit, kuk’ rajchak ri Procuraduría rech ri Derechos Humanos, ruk’ ri Oficina Nacional rech Prevención rech ri Q’oxmalil ri’, ruk’ ri ajkalte rech Chinab’jul xuquje’ rech ri tinamit rech San Pedro Nécta ri’.
Pa le riqb’al ib’ ri’ xchomaxik rech kayak jun rachoch ri jun japache’ tz’apib’al ruk’ le pwaqil kuya’ ri ajkalte rech pa tinamit ri’, xuquje’ xb’an jun chomanik chi rij ri pwaqil kasach pa le uyakik ri rachoch k’olib’al ri’.