K’o ri’ 1 mil 331 ub’ixik katzijol e b’anol k’ax xya’taj pa taq le ch’awib’al rech ri Wokajil Ajchajil Tinamit 110, 1518 xuquje’ pa le rech ri Ministerio Público 1574, are wa’ xub’ano che ri b’anoj tzukunem ya’olchajinik kumal ajchajil tinamit xuk’am jun utz ub’eyal ri’, are wa’ xk’ub’isaj ub’ixik ri K’amal b’e Amaq’, Alejandro Giammattei, aretaq achb’ilam rumal ri Ministro rech Gobernación Edgar Godoy xuquje’ rumal ri viceministro rech Ya’olchajinem Kub’al k’u’x Gendri Reyes, aretaq xuya’ ub’ixik che ri winaqil e aj iximulew xkiya’ loq ub’ixik katzijol ri b’anol k’ax kakitoq’ij pwaq, ri elaq’omab’, ri e b’anol k’ax chi ke ixoqib’ ruk’ nik’aj chik b’anoj k’ax chi ke ri winaqil rech Escuintla.
“Rumal ri’ kateremb’ej b’anoj taq tzukunem ri’, rumal k’ut are wa’ qas k’o kupatanij kumal ri winaq rech k’o kakiya’ loq katzijol ri’ xuquje’ are rumal ri komonchak ri k’o utz tajin kub’an ri’, b’it katob’anik ri winaqil ri’ kab’antaj ta kowinem uq’atexik wari’, kaqaj uj are kuk’am uchuq’ab’ ri ya’el ub’ixik loq ri’”, xcha’ ri k’amal b’e amaq’.
Are maja’ na kamajtaj ri Korlim Ya’olchajinik ri’ k’o ri’ 40 awam ub’ixik kumal winaq ronojel q’ij, we kamik chik k’o ri’ 120 chi b’iw ub’ixik pa ronojel q’ij kumal winaq ri’.
Eri rajilanem ub’ixik kumal ri q’atb’altzij pa le centro rech mando, pa kajib’ q’ij ri’ pa le 110 okinaq 594 b’iw ub’ixik ri’, jeri’ k’o 120 b’iw ub’ixik kumal winaqilal ri’. Eri Ministerio Público xuya’ loq ub’ixik che k’o 617 chi b’iw ub’ixik utzijol toq’inik pwaq xkik’ul ub’ixik panoq ri’.