Are xmajtaj ri Taqanem rech Q’atenik K’axk’onik xuquje’ ri Toque de Queda, eri q’atb’altzij rech ri Subdirección General rech Q’atel b’anoj k’ax ri’ rech ri Wokajil Ajchajil Tinamit, xkib’an ri ya’ltzijolil ri’ pa juntir we amaq’ ri’, rumal ri’ k’o wuj rech ya’ltzijol xkich’ap cho taq xan pa tinamit ri’, xkib’ixoj ri Himno Nacional rech Iximulew xuquje’ rech kakikol kib’ ri winaqil rech uq’atexik ri COVID-19 ri’.
Pa taq le xkichakux kumal reqa’lenel q’atenik b’anoj k’ax ri’: K’o wujtzijolil xkich’apo cho taq k’ayib’al, cho taq raqan k’amq’aq’nil xuquje’ pa uxo’l taq ja pa taq colonias, barrios xuquje’ pa taq kik’olib’alil winaqil rech b’a’ kakinimaj ri taqom ub’ixik rumal ri k’amal b’e amaq’.
Xuquje’ are wa’ xkiya’ loq ub’ixik ruk’ ukowib’al ch’ab’al jeri’ pa taq q’axaltzij ub’ixik rech b’a’ kanimaxik ri Toque de Queda, che ri kamajtaj pa taq le kajib’ kajb’al rech qajib’al q’ij ri kak’isik pa le kajib’ kajb’al rech pa nimaq’ab’ pa jun chik q’ij ri’.
Eri kopanik kuk’ taq ri winaq pa tinamit ri’ are rech kakijacho ri wujtzijolil chi rij ub’ixik rech kakisaqab’isaj kib’ le winaq, xuquje’ rech kakikoj kuchb’al kichi’ kitza’m xuquje’ rech kakijach kuchb’al kaq’ab’ ri winaqil pa taq k’ayib’al ri’.
Pa k’isb’al ri’, are chi’ kamajtaj ri toque de queda, eri e ajchajil tinamit kakib’ixoj le Nim ub’ix Amaq’ pa uxo’l ja rech pa taq tinamit ri’ pa amaq’ rech kaketa’maj che ri Wokajil Ajchajil Tinamit, ketajn che tijowchuq’ab’ b’anoj utzil chi ke ri winaqilal ri’.
Chatel kanoq pa awochoch ri’.