Eri embajada rech Canadá ri k’o pa Iximulew, Rita Rudaitis-Renaud, pa le utz kapetik chi’ pa le Ministerio rech Gobernación, xub’ij che ri taqawokaj rech ri nimatinamit apanoq katob’an ri’ pa le uya’ik ya’olchajinik chi’, chi rij Aduanas xuquje’ Migración ri’.
Eri Ministro rech Gobernación, Edgar Godoy Samayoa, xumaltyoxij che sib’alaj k’o ranima’ chi’ xuquje’ karaj katob’an chi’ xcha’ ri uq’atb’altzij ri Canadá ri’, are wa’ keyexik rech kuya’ ri tob’anem pa we amaq’ ri’.
Eri q’atb’altzij rech ri taqawokajnem ri’, xuquje’ xuna’tisaj ub’ixik ri’, che ri taqawokaj rech ri Estados Unidos rech América, xub’ij che ri are kuya’ ri’ US$ 1 millón rech tob’anik ruk’ ri ya’olchajinik winaqila pa taq le zonas 18 xuquje’ 6 rech pa nimatinamit aj iximulew ri’.
Eri xya’taj loq ub’ixik ri’ are xb’ix loq chi rij ri Hugo Guevara, K’amal b’e rech ri Oficina rech Asuntos Internacionales xuquje’ rech kojb’al ri Taqanem (INL ub’i’ pa inglés tzij), pa jun riqb’al ib’ ruk’ ri taqawokajnel rech ri Ya’olchajinik pa Amaq’ ri’.
Eri Ministro Godoy Samayoa xub’ij che ri tob’anem ya’tal ri’, are wa’ rech ya’el uchuq’ab’ ri chakunem kumal ri wokajil ajchajil tinamit ri’, pa le kachajixik ri winaqilal e aj iximulew ri’.