K’a pa le 14 rech octubre kanoq eri Wokajil Ajchajil Tinamit (PNC) xukoj jun uwachwuj k’amq’aq’nik rech resaxik kuwjil ri winaqil kuk’ e ajchajil tinamit, rumal ri’ chanim k’o chik 24 mil 223 chi wujil esam chik kumal ri winaqil ri’.
Eri ub’anik resaxik ri wujilal ri’ eri winaq xkesaj pa le uwachuj k’amq’a’nil ri’ https://policiales.pnc.gob.gt/ xuquje’ aretaq kakitz’ib’aj kib’i’ kitzijol chi upam ri’ eri winaqil kakijaq jun ki’okik chi upam ri’, are ri sib’alaj rajwaxik ri’ rech aretaq kakesaj ri kuwujil antecedentes ri’.
Eri tzijol ya’om rumal ri Subdirección General rech Tecnología (SGTIC) e utz’ib’am chik 33 mil 208 chi winaqil ri’.
Ri jun chik rajwaxik kab’an ri’ re tojb’al rech Q30.00 pa jun pwaqb’al ja xuquje’ chinaq kikaj kakitoj pa le banca virtual ri’.
Rech te k’u ri’ katok ruk’ ri retal rajilab’al awetal at pa le uwachwuj k’amq’aq’nil ri’ rech kata ri awujil antecedentes ri’ xuquje’ katz’ib’aj qaj rajilab’al ri awuj rech xatojo pa nab’e ri’.
Rech b’a’ maj jun itzel winaq kub’an k’ax pa retal awachwuj k’amq’aq’nil ri’, eri SGITC xukoj jun tob’chakub’al rech uwam pa juntir chi paq’ij chi chaq’ab’ ri’ kitzijol ri winaqil che kakimaj pa oxmul utzib’axik loq ri rajilab’al ri wujil rech tojb’al pa pwaqb’al ja ri’.
Pa le 14 k’a pa le 27 rech octubre k’o 24 mil 233 chi wujil antecedentes policiales esam pa jikomal kumal winaq ri’.
Eri Ministerio rech Gobernación pa le reqale’nib’al uchakunik ri Cuarto Viceministerio rech Tecnología xuquje’ kumal ri Wokajil Ajchajil Tinamit pa amaq’el ketajin pa chajinem chi ke winaqila ri’ rech maj jun winaq kucholajisaj rib’ pa le resaxik ri wujilal pa taq ri comisarías xuquje’ pa taq le centros rech kesax wiri’, rumal ri’ xtoq’ix uya’ik ri wujil antecedentes policiales pa uwachwuj k’amq’aq’nil ri’.