Are taqim ya’el uchuq’ab’ ri tzukunem ya’olchajinik ri’ xuquje’ rech kachomaxik ri rajwaxik chi ke reqa’lenel ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC), eri quinto viceministro rech Gobernación, Fernando Rodas ri’, xopanik xusolij ri chak tajin kakib’an ri e ajchajil tinamit pa le Kiqajib’al Xik’ach’ich’ la Aurora ri’, zona 13 pa uk’u’x nimatinamit.
“Are k’o nim upatanib’al kab’anik we solinem pa taq uq’ijol ri’ rech ketaxik ri chak b’anom ri’ xuquje’ rech ya’el uchuq’ab’ ri ub’e’al q’atenik b’anoj k’ax chi ke ri narcotráfico ri’ pa we amaq’” , xcha’, ri quinto viceministro Rodas ri’.
Eri b’anoj taq chakunem ri’ are la’ kab’anik rech kanimax uwach ri cholcha puqchajinem tzukunik ri’ taqim ub’anik rumal ri k’amal b’e amaq’ Alejanadro Giammattei xuquje’ rumal ri ministro rech Gobernación, David Napoleón Barrientos, rech kajamataj uwach Iximulew ch eri awan kunb’alil ri’, xcha’.
Pa le ub’ik ri’, eri patanel xuril k’ut ri chak nimam ub’anik rumal ri unidad Antinarcótica taqom chi la’, rech kuq’atej ko’kisax ta loq xuquje’ kel ta b’i awan kunb’alil pa we amaq’ ri’.
Are wari’ ri chakum chik, eri SGAIA xuya’ utzijol ri’ che xechapataj e kajib’ winaq ri’ rumal jalajoj b’anoj k’ax ri’, eri xriqitaj k’ut k’o 445.6 chi upajb’alil cocaína ri’ xuquje’ ruk’ 52 590 chi pwaq dólares ri’.