Eri kasolixik ri e ajchajinelab’ rech q’atel awan kunb’alil ri’, are tajin kab’anik rech uq’atexik xuquje’ rech kaq’atexik ri narcotráfico ri’, jeri’ xb’antaj we paq’ij kamik k’o jun nim solinem xb’antaj pa le rachoch k’olib’al ri Aeropuerto Internacional La Aurora ri’, rumal ri Quinto Viceministro de Gobernación, Fernando Rodas De León, ri achb’ilam rumal ri Subdirector rech ri SGAIA rech ri Wokajil Ajchajil Tinamit (PNC), Henry Arody López ri’.
Eri Quinto Viceministro, xub’ij che ri chak tajin kakib’an ri e ajchajil tinamit chi’ are rech kakisolij upam taq ri keqa’n ri winaqil che ri keq’ax b’i chi la’ jeri’ ri ke’ok chi la’ xuquje’ ri ke’al loq chi la’ k’ut kachib’il rijuk’ulaj eqa’lenel kib’i’ binomios K-9 ri’, are rech kakilo we man k’ot awan kunb’alil k’amom b’i ri’ jeri’ solinik kakib’an ronojel q’ij chi la’ k’ut.
“Eri e ajchajil tinamit kechajin chi la’ pa le Aeropuerto ri’, are la’ kaqaya’ ub’ixik chi ke ri winaqil pa Iximulew xuquje’ chi ke ri winaqil che ri ke’ok loq xuquje’ ri ke’al b’i pa we amaq’ ri’, eri reqaxik ri awan kunb’alil man k’ot pa usaqil ri’ kakeqaj tane’ b’i, k’o kimak ri’ chi rij we kakiq’axe’j tane’ b’i chi la’ k’ut, jeri’ man ya’tal taj rech kakik’ayij tane’ chi la’, jachin k’ut jeri’ kub’ano k’o jun nim tojb’al chi rij rumal q’atb’al tzij xuquje’ keb’e pache’ chi rij ri’ pa Iximulew rii’”, xcha’ aretaq xuk’is ub’ixik ri utzij pa le solinem xb’an chi la’ k’ut, ri Viceministro Rodas De León.