Eri tercer viceministro, Carlos García Rubio, xtatab’en pa jun riqb’alil kuk’ ri rajtaqo’n ri cooperación internacional, ri xkijit ub’ixik ri’ che qas tzij b’a’ ketob’an ruk’ ri Ministerio rech Gobernación, pa le cholb’al chak rech q’atel b’anoj k’ax ri’.
Eri Rebeca Arias, Coordinadora Residente rech Naciones Unida pa Iximulewal ri’, xuya’ ub’ixik ri’, che k’o terenb’en ya’b’al uchuq’ab’ ri chakunem rech uq’atexik ri b’anoj k’ax chi ke taq ri ak’alab’ xuquje’ chi ke taq ixoqib’ xuquje’ ya’tal chi ke kechomax pa taq q’atb’al tzij pa taq tinamit ri’.
“Kijchakun b’a’ rech ya’b’al tob’anem pa taq le cholb’al chak ri’, jacha’ ri kojtajin che ub’anik ri’, rech kanimarisax ri tob’anem ri’ rumal ri Naciones Unidas ruk’ ri Tecer Viceministerio, rech utaqixikk ya’b’al uchuq’ab’ ri ya’olchajinem winaqilal xuquje’ rech uchomaxik pa juntir uq’atexik ri k’ax ch’a’ojil ri’” xcha’.
Eri Arias, xuquje’ sib’alaj xuki’kotirsaj uq’ijol ri Ministerio rech Gobernación, rumal ri chak katajin che ub’anik k’a pa le Tercer Viceministerio ri’, are la’ rech uq’atexik ri b’anoj k’ax pa we amaq’.