Eri Viceministra rech Tecnologías, Devora Meza, rech ri Ministerio rech Gobernación xmolin ruk’ ri Embajador rech Gran Bretaña pa Iximulew, Nicholas Whittingham, xuquje’ kuk’ k’i wokajil e ajb’anol no’jchakub’al rech ya’olchajinik rech ri Reino Unido.
Eri taqim ri’ are rech kab’an jun nab’e riqb’al ib’ rech kawok jun wokaj e ajchomanelab’ kuk’ ri empresas, ri chuwe’q kakijach’ k’ut ub’anikil b’anoj chomab’al rech tecnología che ri Embajada Británica xuquje’ ri wokajilal che ri ketajin che ya’el ub’ixik ujachik che ri taqawokajnem rech ri Ya’olchajinem pa Amaq’.
“Eri chakum kumal ri no’jchakub’al ri’ are nim upatan ri’ rumal k’ut eri uwachi ri tecnología are kalik’in ub’anikil ri’, are wa’ rech eri jalajoj taq k’amoj b’e ri’ kekunik kakiraqo ri kitaqim uchakuxik ri’”, xcha’ ri Ukaj Viceministra.
Xub’ij chik eri e no’jchakunel rech jujun wokajil, xkik’utu uwach taq ri no’jchakub’al rech video ya’olchainem, ri drones, ri yutub’al q’ab’aj, ri esal uwachib’al wujil, ruk’ nik’aj chik ub’anikil tzijob’elil ri’.
Rumal ri’ eri Meza, xub’ij che chuwe’q ri’ kaya’ ub’ixik nik’aj chik utzijol ucholajil chi rij ub’anikil ri tecnología ri’, che ri wokajil británicas ketajin che uk’utik ri’.