Eri reqa’lenel ri Subdirección General rech Análisis rech Información Antinarcótica (SGAIA), uwinaqil ri Asociación Nacional rech Bomberos Departamentales xuquje’ rech ri Quinta Brigada rech Infantería rech ri Wokajil Ajchajil Amaq’ Iximulew, xetijox chi rij reta’maxik b’anoj kunanem ruk’ katob’anik ri puq reqa’lenel rech ri wokajil ajchajil amaq’il rech ri Estados Unidos ri’.
Eri retal tijonem are xumaj oxib’ q’ij, pa le rachoch ri Quinta Brigada rech Infantería «Mariscal Gregorio Solares» pa Chinab’jul, xuquje’ rech ya’el kichuq’ab’ keta’mab’al kichak ri reqa’lenel antinarcóticos are la’ rumal ri Ministerio rech Gobernación ri’, pa upatan ri Quinto Viceministerio kuk’ nik’aj chik wokajil e aj iximulew ri’.
Eri e ajtijoxel ri’ xetijox chi rij wari’: rech uch’ob’ik uq’atexik kik’ kiq’ajarik, rech kakikunaj tech’ xuquje’ kakikunaj q’asin aqanaj ri’, rech kaketa’maj uyach’ik q’asimaj, rech uch’ob’ik chajinem pa cho kaj pa kaqiq’, jeri’ rech kach’ob’ utanab’axik kik’ xuquje’ kek’asb’ax winaq kiyujurik, rech kakikunaj kib’oq’owach winaq xuquje’ we kisakom ri’.
Pa julio eri asociación nacional rech bomberos rech taq tinamit (ASONBOMD) xuquje’ xetijoxik ri reqa’lenel ri Fuerzas rech Tarea Interinstitucionales Tecún Umán, Xinca xuquje’ Chortí chi rij uch’ob’ik b’anoj nab’e taq kunanem chi ke winaq ri’.