Eri reqa’lenel ri DIPAFRONT e k’o pa uchajixik ri ch’ich’ keqam b’i jastaq uya’m loq El Salvador chi ke ri winaq kiriqom k’ax ri’

Eri k’amal b’e rech El Salvador, Nayib Bukele,xuya’ ub’ixik ri’ che kutaq loq ri jastaq rech ya’ol tob’anik chi ke ri winaqil e aj ixim tinamit che ri xkiriq k’ax rumal ri kaqiq’ ja’ ETA ri’.

Eri taqanel rech ri División rech Puertos, Aeropuertos xuquje’ Puestos Fronterizos (Dipafront) rech ri Wokajil Ajchajil Tinamit (PNC) Subcomisario Nickson Ríos, xuya’ ub’ixik che we kamik sib’alaj xechajix k’ut le ch’ich’ che ri xe’ok loq keqam k’ut ri jastaq rech tob’anik le xok’ow loq pa le Frontera San Cristóbal, ri k’o pa le tinamit rech Jutiapa ri’.

 “Kujtob’an ri’ che ri ya’olchajinik rech k’ax ta ko’k loq ri jastaq tzuqb’al winaq ri’ rech tob’anik chi ke ri winaq ri’, jun tob’anik wa’ che ri Ministro rech Obras rech El Salvador, Romeo Rodríguez Herrera ri petinaq kuk’ ri komon ya’l rech chi’ le Subcomisario Ríos ri’.

Eri reqa’lenel ri Dipafront e are e ajchajil kech ri 46 chi ch’ich’ e nojinaq keqam loq ri jastaq xuquje’ ruk’ keb’ kaxonach’ich’ chi eqa’n ri’, ri e taqom loq che uya’ik pa le nima rachoch ri Coordinadora Nacional rech ri Reducción rech Desastres (CONRED), ri k’o pa le zona 13 pa uk’u’x nimatinamit ri’.

Eri Wokajil Ajchajil Tinamit ri’ sib’alaj ketajin che kanimaxik ri winaqil ri’ rumal ri kaqiq’ jab’ ETA, rech k’o ya’olchajinem kakib’ano, rech ketob’an che kesaxik ri winaqil keriqitaj pa k’ax ri’ xuquje’ rech k’o jastaq kakijacho chi ke ri’ pa taq le juyub’ tinamit che ri xkiriq wi k’ax ri’.

Alerta de Corrupción

Ultimas noticias