Eri reqa’lenel ri PNC ketajin che kito’ik ri winaqil xkiriq k’ax pa Tz’oloja’

Pcha’ b’a’ kub’ij ri reta’mab’alil ri wokajil ajchajil tinamit, are rech ketob’anik xuquje’ kenimanik, rumal ri’ eri reqa’lenel ri Wokajil Ajchajil Tinamit (PNC) ketajin che b’anoj tob’anik rumal ri winaq xkik’ulmaj k’ax pa le Barrio 1 rec San Marcos la Laguna, Tz’oloja’ ri’, chi’ k’u ri’ chaq’ab’ kab’ijik xaq k’a te’et xetzaq loq ri ab’aj ulew pa uwi’ taq ri kachoch ri winaqil chi’, rumal ri’ e k’o kajib’ winaq xekam chi’, xuquje’ e k’o xesakatajik e k’o nik’aj chik xesach chi’.

K’a chaq’ab’ kab’ijir ri’ eri reqa’lenel ajchajil tinamit xkimol kib’ rech xeb’e che kito’ik ri winaq chi’ rech xkitzukuj ri winaq xesax chi’ xuquje’ rech xkesaj ri winaq pa le k’ax chi’ rech man k’ot chi k’ax kiriqo.

We kamik ri’ eri reqa’lenel ajchajinel rech Tz’oloja’, ketajin che kito’ik kesaxik ri winaq e muqital chi’.

Rajawaxik b’a’ kana’tixik che pa le oxib’ q’ij rech junio rech 2018, eri ixkanul rech Q’aq’ xpoq’ ri’ xuquje’ eri e nab’e xe’opan chi’ are ri reqa’lenel ri comisaría rech Escuintla ri xe’opan pa patrullas rech xkito’o ri winaq chi’, maltyox b’a’ rumal pa aninaqil xe’opanik e k’i winaq xeto’tajik man xekam taj.

Eri ajchajinelab’ ri’ man xaq ta ri’ k’o ya’olchajinem kakib’ano, xane’ k’o sib’alaj ketob’an wiri’ chi ke ri winaq kakiriq k’ax ri’.

Alerta de Corrupción

Ultimas noticias