Eri Ministro rech Gobernación, David Napoleón Barrientos, ruk’ ri viceministros xuquje’ ri taqanelab’ rech ri unidades ministeriales, xkimaltyoxij xuquje’ xkich’ab’ej b’i ri Subinspector José Víctor Manuel Meza Maldonado, are chi’ xk’oji 22 junab’ pa chakunem pa le Wokajil Ajchajil Tinamit rumal ri Mingob ri’.
“Ruk’ jun nim ajawanem xuquje’ ruk’ jun nim loq’ob’alil, kaqaj uj qixch’a’b’ej kanoq ri’, ruk’ jun nim maltyoxinik xuquje’ che ri Meza Maldonado ri xub’an upatan ri’ k’a pa le 1,999 pa le wokajil ajchajil tinamit ri’ xuquje’ ri naj xuya’ uk’aslemal pa le upatan ri’, are ri’ jun loq’ winaq ko ranima’ xuquje’ k’o utz taq una’b’al ri’. Rumal ri’ kujch’a’w b’i che ri are ri’”, xcha’ ri nim patanel David Barrientos ri’.
Jeri’, xjach jun uwujil na’tib’al upatan xub’an ri’ xuquje’ ruk’ xetpwaqil rech na’tib’alil chi re ri xuya’ rech xmaltyoxixik ri upatan xub’an pa le wokajil rech ajchajil tinamit ri’.
Eri Meza Maldonado, are jun tat man k’ot rixoqil e k’o keb’ ralk’uwal ri rok’owisam nima’q taq k’axk’olil ri’ xuquje’ ronojel q’ij ukojom uchuq’ab’ rech xuwa’lijsaj rib’ pa amaq’el ri’.
“Rumal k’u ri’ kinlinya’ kanoq ri wokajilal ri’ rumal ri’ rajwaxik qonojel ix qachib’il, chojniman b’a’ xuquje’ chojchajin b’a’. kinmaltyoxij ri tob’anik xuquje’ kink’am uq’ab’il retalil ri’, pane’ b’a’ kine ruk’ jun b’isonik kinki’kot iwuk’ rumal ix wachib’il xuquje’ rumal xinlinya’ naj nuk’aslemal pa le PNC ri’, rumal ri’ sib’alaj kana’tej chuwe ri nim wokomja ri’ kuk’ ri e’ajchak chi’”, xcha’ ri Meza.