Eri taqanelab’ e ajchajil tinamit rech ri jalajoj taq direcciones generales xuquje’ rech ri comisarías rech ri Wokajil Ajchajil Tinamit (PNC) rech pa we Amaq’, sib’alaj xkiya kitzij keqele’menik che ri ministro rech Gobernación, David Napoleón Barrientos Giron, rech ri utz ub’anik che ri wokajilal ri’ rech ya’el utzilem chi ke ri winaqil e aj iximulew ri’.
Eri subdirector General rech Operaciones, Nery Benito, xub’ij che pa we junab’ ri’ sib’alaj katajin kowonem ruk’ ri chakunem taqom ub’anik pa le cholchak patna rech ri wokom patanem Amaq’, rech pa uq’atexik ri b’anoj k’ax pa we Amaq’.
Rumal ri’ eri subdirector rech Investigación Criminal, Adal Rodríguez, xub’ij che pa we junab’ ri’ eri rajtzukunelab’ ri PNC ri’ ruk’ kino’jchakunik xkitzukuj uwach taq ri k’ax b’anom ri’ xuquje’ are la’ kakiq’axe’j ub’ixik ri’.
Xuquje’ eri subdirector kech Eqa’lenelab’ ri’ sib’alaj xumaltyoxij xya uchuq’ab’ uq’ij kichak patan ri’ xuquje’ eri subdirector rech Apoyo xuquje’ Logística ri’ pa le ukojik ri utzalaj chakunem tajin pa taq nimaja rech suk’umalil rech ri PNC xuquje’ xechoman chi rij ri seguro de vida ri’ ri ya’talil ri’ chi ke konojel ri e ajchajil tinamit.
Pa k’isb’al ri’ eri subdirector rech Estudios xuquje’ Doctrina xuya uq’ij umajik ri no’jtijonem chi ke ri e ajchajil tinamit ri’ jeri’ pa le jalajoj rachoch taq ri tijob’al ri’ jacha’ pa le Escuela rech Especialidades Policiales (Eepol) ri kab’an ri k’uttijonem, tijonik xuqujue’ k’i uwach taq tijob’enik ri’.