Eri Tecnologìa kakowinik ke’utzuj e ajqapul che’ pa taq k’ache’laj pa we amaq’

 

Pa le chakunem kumal reqa’lenel ri División rech Ajchajil K’ache’laj (DIPRONA) ri’ rech ri Wokajil Ajchajil Tinamit (PNC) xkikoj jun tzukub’al raqib’al pa taq le no’jchakub’al jacha’ ri Ub’anikil ri Raqib’alil pa juntir ri’ ub’i’ GPS, xcha’ ri Taqanel xuquje’ are ri Sub Comisario rech ri Wokajil Jachakunb’al ri’, De la Cruz Hernàndez ri’.

“Eri chakub’al ri’ are kakikoj rajchak ri ri Wokajil Jachakunb’al rech katzukunik xuquje’ rech kuraqo ri qas k’o wi rumal ri satélite, rech ri k’olib’em che ri tajin kaqapux wi ri che’ ri’”, xcha’ ri Taqanel rech DIPRONA.
Xub’ij che are katajin ukojik ri’, aretaq eri reqa’lenel  chajin tinamit che ri k’o nim uchuq’ab’ ri tijonem resam ri’, ruk’ kapajik ri peraj taq juyub’ che ri qas keraqataj wi ri e ajqupul che’ xuquje’ wene’ che ri k’o wi b’anoj taq pora’n ri’.

Jacha’ ri Plan Jaguar Nocturno II, che ri katajin che ya’olchajinik chi’, rumal ri’ xb’antaj kowinem xchapataj jun achi ub’i’ Daniel Morales Lucas 57 ujunab’, ri are aj chi la’ pa le aldea Cantòn Santo Tomàs, aldea El Carpintero, Chiantla Chinab’jul are chi’ xraqataj rumal ri GPS kumal reqa’lenel ri DIPRONA, xaq k’a te’et xraqatajik aretaq katajin che qupin che’ pa taq le k’ache’laj chajim rumal ri Consejo Nacional rech Áreas Protegidas (CONAP) ri’. Rumal ri’ xchapataj loq ruk’ jun ch’ich’ qupib’al xuauje’ ruk’ ri nima’q b’alaj che’ ub’anom chik.

Alerta de Corrupción

Ultimas noticias