Eri Viceministro rech Q’atel k’ax, Carlos Fernando García Rubio xmolin pa jun chomanik kuk’ ri rajchak ri Secretaría Nacional rech Ciencia xuquje’ Tecnología (SENACYT), rech taqim pa komon uchomaxik b’anoj ch’ob’otal chak rech b’anoj ya’olchajinem ri’.
“Eri SENACYT pa uchakunik ri Secretaria Ana Chang xojusik’ij rech kujtatab’enik pa jun k’ak’ b’anoj etab’anik che ri e are jun wi jalajoj kuwach taq wokajilal rech ri Taqawokaj pa Amaq’ ri’ are wa’ rumal e ilom ri ch’ob’otal chak rech ri vicedespacho k’o jalajoj ub’anik uwach ri’ che ri kojom pa le retz’ab’axik uchakuxik ri k’ak’ patan pa we amaq’”, xcha’ ri Tercer Viceministro.
Pa le riqb’alil ri’ xetzijox wi k’i taq ch’ob’otal chak che ri katajin upatanaxik pa le Comisión Nacional rech Prevención, emu are la’ rech kakoj kumal ri jalajoj taq wokajilal ri’ pa we amaq’, pa amaq’el rajwaxik k’o upwaqib’alil ri’ rech tojb’al uchak patan kub’an ri’ are la’ rajwaxik kataq utojik ri’ rumal jun taqawokajil, xcha’ ri taqawokajnel.
Eri García Rubio xub’ij eri ub’anik ri SENACYT ri’ k’i kuwach taq wokajil chakuninaq wiri’ pa we Amaq’, rech are la’ kuya’ ri ya’talil ub’anik ri’, eri e are ri’, kechakun ruk’ ri Nimatijob’al xuquje’ ruk’ pa ub’anik ri’ ketob’anik ruk’ taq ri ch’ob’otal chak ri’.
“Kaqab’an k’ut nik’aj chik riqb’alil rech kujchomanik pa le uk’utik uwach ri ch’ob’otal chak ri’ k’a pa taq q’atb’al tzij rech taq tinamit, k’a pa le rajwaxik chi ke ri jujun taq q’atb’al tzij rech are la’ kachomax kumal ri e ajkalte’ib’ xuquje’ ri are la’ kaya’ ub’ixik loq kumal ri jalajoj winaqilal che ri kakiya’ loq ub’ixik che rajwaxik kachomax pa taq kik’olib’alil, are rech la’ kaqach’ob’ rilik uchomaxik ronojel ri rajwaxik ri’ rech te k’u ri’ kaqaya’ panoq utzijob’exik chi ke chi rij ri ch’ob’otal chak che ri kechakux ri’ xuquje’ rech kekoj winaq e ajchakul rech wari’”, xcha’.