Pa le b’anowem tijob’enik rech ri tijob’al ub’i’ la Escuela rech Formación rech Oficiales rech Chajinel ri’ pa zona 6 rech pa nimatinamit, pa lunes 8 rech agosto ri’ xtz’apix uwach ri tijonem chi ke e 1194 Especialistas Policiales xuquje’ rech ke’ok che ri patan rech Grado Inmediato Superior e oxk’al chi k’ak’ comisarios xuquje’ subcomisarios rech chajinel tinamit.
Eri k’amal b’e Amaq’ Alejandro Giammattei pa le utzij xub’an ri’ xub’ij “Are chi’ kinwilo ri k’exnik ri’, are la’ kuya nuchuq’ab’ kub’ij chuwe che in b’enaq pa le jikom b’e xuquje’ are la’ kukub’isaj uwach wari’, rumal ri’ xintaq ub’anik ri jun k’ak’ tijonem rech oficiales terceros rech ke’ok nik’aj chik winaqilal ri’, ri junam pa kajilab’al k’o pa wokajil ajchajinelab’ ri’, ya’tal chi ke ri’ rech kakitijoj kib’ pa oxib’ junab’ ri’”.
Rumal ri’ eri taqawokajnem rech ya’olchajinem pa Amaq’, David Napoleón Barrientos xub’ij “Kojtajin k’ut che chakunem kuk’ ri rajtaqanel ri wokaj chajin tinamit rech k’o ke’ok pa keqale’n pa chajin tinamit, ri junam kajilab’al kuk’ ri oficiales terceros, segundos xuquje’ primeros ri’. Xuquje’ are la’ kojtajin che uchomaxik rech pa jun chik junab’ ri’, rech kamajtajik katijoxik ri nab’e puq chi ajtijoxel ri’ rech oficiales rech ketijox pa oxib’ junab’, we jun tijonem ri’ are rech ketijox oficiales sib’alaj k’o nim keta’mab’alil ri k’o kuwach kuk’ ri winaqilal ri’.
Eri tijonem are la’ k’o jun nim upatanib’al pa le Ub’e’al B’anoj Uloq’oq’exik Kuwach ri Ajchajil Tinamit (ETA) ri xtaq ub’anik rumal ri Wokom Taqawkaj Iximulew ri’ xuquje’ rumal ri Ministerio rech Gobernación (Mingob), rech ya’b’al uchquab’ ri chajinem tzukunik kumal ri Wokajil Ajchajil Tinamit (PNC), pa utzilem chi ke ri winaqilal pa tinamit.