Are uwach ub’anik kanimaxik ri xutaq ub’ixik ri k’amal b’e amaq’ rech uq’atexik ri jun yab’il ub’il Covid-19, rumal ri’ eri e ajchajinel rech ri Departamento rech Tránsito rech ri Wokajil Ajchajil Tinamit (PNC), ketajin che b’anoj ya’olchajinik pa taq nimab’e rech pa we amaq’.
Rumal ri’ eri rajchak ri wokajil ri’, ketajin che rilik we katajin unimaxik ri taqanik kumal e ajchoq’e xuquje’ e ajb’inisal ch’ich’ rech kakik’am ta chi b’i winaqil ri’, ruk’ are wa’ kaq’atexik rech man kujipij ta rib’ jun yab’il coronavirus.
Xuquje’ rech kesolin chi ke ri winaqil che ri e k’amom b’i kumal taq ri ch’ich’ ri’, rech kakititz’ ta b’i wianq ri’, rech man k’ot k’ax kakiraq ri e ajb’inisal ch’ich’ xuquje’ ri winaqilal ri’.
Eri q’alanem chi ke ri puq ch’ich’ e erelwinaq pa tinamit, are xya’taj loq ub’ixik chi ke pa lunes kanoq, rumal ri k’amal b’e amaq’, Alejandro Giammattei Falla, ruk’ nik’aj chik uwach taqanik rech kakisaqab’isaj kib’ ri winaq ri’, rech kek’oji pa kub’al k’u’x ri winaqil e aj iximulew ri’.