Eri tzukunik kumal ajchajil tinamit xub’an ri’ xechap b’i 34 e ajq’axel winaq pa amaq’ ri’

Are uwach ri’ ri jun solwachixik pa komonb’al kuk’ ri q’atb’altzij rech ri Ministerio rech Gobernación xuquje’ ri q’atb’altzij rech ri Wokajil Ajchajil Tinamit (PNC), pa uterenb’exik ri b’anoj tzukunem kumal ajchajil tinamit chi uwach ri’ ri Nima Rachoch Amaq’ pa uk’u’x Nimatinamit xuquje’ pa le Parque Centenario rech ri zona 1, we kamik e k’o 34 chi winaqil salvadoreños, hondureños, nicaragüenses xuquje’ panameños, che kiriqitaj pa Ixim Nimatinamit ri’ ketajin che b’anoj k’ax ri’.

Eri Viceministro rech Seguridad, Gendri Reyes, xub’ij che xechap b’i nik’aj winaq centroamericanos ri k’o b’anoj k’ax tajin xkib’an aretaq xe’opan pa nimatinamit ri’, “eri nik’aj winaq che eri e ajq’axel pa amaq’ ri’ ya’tal ri’ xekanaj kanoq pa le rulewal ri tinamit ri’ we xk’is unimaxik kumal ujachik ri kata chi ke rech pa saqil xeq’ax loq pa we amaq’ xuquje’ katajin kichapik b’i ri k’o b’anoj k’ax kakib’an chi’”.

Eri viceministro ri’ xumaltyoxij chi ke ri winaqil che ri pa taq le uwachwuj pa k’amq’aq’nil xuquje’ pa taq ri ch’a’wib’alil xkiya’ loq ub’ixik kitzijol nik’aj b’anol k’ax ri’ rumal ri’ xb’antaj kowinem xechapataj loq kumal e ajchajil tinamit, “k’o k’ut uk’olib’al ya’olchajinem kojom pa amaq’ tinamit rech keq’atexik nik’aj b’anol k’ax ri’”, xcha’ ri Reyes.

Chi ke ri winaqil che ri xch’ob’otaj kuwach ri’ e k’o ak’alab’ chi ke ri xa’ kutukel e petinaq ri’, rumal ri’ eri q’atb’altzij rech Gobernación xkiya’ loq ub’ixik che katajin uta’ik  chi ke ri taqawokajil rech kekolon chi ke.

Noticias Recientes