Eri Jachakunb’al rech Personas Jurídicas (REPEJU), are jun jachakunb’al ri ajya’el kuwuj ri winaqib’ e ajkojoltzij tob’anelab’, ri e aj Komontyox, ri e Nimatijob’al, ri Asociaciones xuquje’ ri Organizaciones Gubernamentales, kuk’ nik’aj ri’, xuquje’ are wa’ kab’anik rech utoq’axik pa aninaqil uya’ik ri wujilal chi ke ri winaqib’ ri’, rumal ri’ xkoj jun uwachwuj ri’ rech kakoj wi jun código QR pa taq le wuj ri’, ri xa’ chik kesax rachib’al pa le no’jchokonsab’al rech rilik utzijol ri winaq kuta ri’.
Eri jun uwachwujil pa k’amq’aq’nil ri’ are wa’ xkoj rumal ri Cuarto Viceministerio rech Tecnologìa rech ri Tzijolil xuquje’ rech Tzijob’enik rech ri Ministerio rech Gobernaciòn ri’ xuquje’ are wa’ jun chakub’al che ri qas utz kakojik pa taq le q’ijol aninaqilem ri k’o pa we amaqq’ rumal ri jun Itzel yab’il Coronavirus COVID-19, are wa’ jun nim tob’anel chi ke ri winaqil pa le resaxik kuwujil rech kakititz’ ta kib’ chi’.
Eri Viceministra Devora Meza, xub’ij “xaqawok jun ub’anikil uwachwuj ri’ ruk’ k’ak’ no’jchakub’alil ri karesaj rachib’al ri jun código QR rech rilik uq’ijol ri wujilal taq xuquje’ rech sib’alaj katob’anik chi ke ri winaq e ajesal rech ri’”.
“Eri jun k’ak’ no’jchokonsab’al che ri kaqakoj pa REPEJU, rumal ri’ katajin kachomaxik ri winaqil pa usaqil ri’, pa le retal q’ij rech resaxik ri’, jacha’ ri upam uwach q’ij taqom loq rumal ri’ k’amal b’e amaq’ rech kanimaxik kumal winaq ri’ xuquje’ kaqakoj ri no’jchakub’al ri’ rech pa kato’ik ri winaqil ri’ xuquje’ rech keb’iyitaj ta pa le uwach q’ij rech ya’tal chi ke kewa’katik”, xcha’ ri Viceministra Meza.
Eri Jazmìn Orellana, Registradora General rech REPEJU, kub’ij, we no’jchakub’al ri’ are xmajtaj ukojik pa le ik’ rech abril, we pa junab’ ri’ k’o chik 50 uwach wujilal katajin uya’ik b’ik pa taq ronojel q’ij ri’ xuquje’ pa k’isb’al ik’ ri’ e k’o chik 935 chi wujilal ya’om chik xuquje’ k’o 200 chi ke ri e chomatajinaq ri’.
Chi rij ub’anikil ri no’jchakub’al uwachwuj ri’, eri Josè Ventura xub’ij wari’, chi rij le utzijol jun winaq che ri xopan che resaxik jun wujil ri’, “eri jun esab’al wuj ri’ are chik k’a pa taq qachoch kaqesaj chik ri’, xaq xu’ wiri’ kujok pa jun no’jchakub’al uwachwuj ri’ xuquje’ rech chi’ kaqil wi jas le resaxik kaqab’an ri qawujilal ri’”, xcha’.