Eri Tercer viceministro, Carlos García Rubio, xmolin kuk’ ri ajchomanelab’ rech ri Fondo rech Población rech ri Naciones Unidas (UNFPA ub’i’ pa inglés), ri sib’alaj xkib’ij che ketob’an na pa le q’atenik b’anoj k’ax chi ke ri ixoqib’ xuquje’ ri e q’apojil pa we amaq’.
Eri Pablo Salazar, ajchomanel rech ri wokajil ri’, xub’ij pa le riqb’al ri’ xchomax wi ri chakum chik pa le q’atenik k’ax chi ke ri winaqil tinamit pa we amaq’, jeri’ chi rij cholchak kakoj ri’ rech katerenb’ex uq’atexik ri b’anoj k’ax ri’, pa taq le tinamit, xcha’.
“Sib’alaj kaqab’ij uj qastzij kaqaj uj kaqaterenb’ej ri b’anoj tob’anem pa Iximulew ri’. Pa ronojel taq ri tinamit rech América Latina k’o nima’q taq b’anoj chakunik chaqawach ri’ rumal k’ut eri b’anoj taq k’ax man xaq ta jun upetib’al ri’, eri k’ax ri’ pa tinamit kak’utun wi loq, rumal ri’ eri Ministerios che ri kakiq’atij ri b’anoj k’ax ri’ are la’ jun nimachak k’o chaqawach ri’” xcha’.
Eri Salazar xub’ij che k’o nim upatanib’al ri b’anoj chak ri’ che ri katajn che ub’anik ri Ministerio rech Gobernación ri’, rumal k’ut we kamik k’o jun ub’e’al chak ri’ xuquje’ k’o jun ucholchak rech uq’atexik ri b’anoj k’ax ri’ pa we amaq’.