Eri Unidad rech Expertajes rech PNC e k’o 200 chi winaqil xe’uchomaj ri’

Aretaq xb’antaj umajik ri uwachwuj pa k’amq’aq’nil xuquje’ rech taqim kakititz’o’ ta chik kib’ ri winaqil jeri ri xuya’ apanoq ub’ixik ri k’amal b’e amaq’, we kamik, eri reqa’lenel ri Unidad rech Peritajes rech Ch’ich’ uq’ab’il ri Wokajil Ajchajil Tinamit, k’o 200 chi solin ch’ich’ xkib’an pa we amaq’il ri’.

Eri taqanel rech ri Unidad ri’, Otto Marroquín, xuya’ ub’ixik e k’o jachakunb’a rech wari’ xjaqik pa Zacapa xuquje’ Xe’laju’ rech katoq’ixik kasolixik ri ch’ich’ chi’ rech kilik we man k’ot winaq ri’ kib’anoj elaq’ chi ke aretaq kakiloq’ jun ch’ich’ ri’.

“Aretaq xkoj pa uwachwuj k’amq’aq’nil uta’ik ri solinik ri’ e k’o chik 200 chi winaqil xkitaq loq pa we amaq’ rech kasolixik ri kich’ich’ xkiloq’ ri’ are wa’ man k’ot rajil katoj ri’ jeri chi ke konojel ri ch’ich’ keb’inisaxik”. Xcha’ ri Marroquín.

Eri xsolixik kumal ri reqa’lenel solinem ri’ are xkisolij ri chasis, kiranch’ich’ xuquje’ ri bin chi ke taq ri ch’ich’ ri’, rech xkilo we kajunumisax uwach ri’, we kujunimisaj ta rib’ chi’ k’u ri’ kaq’alajinik wexa’ e eleq’am ri’ xuquje’ wexa’ k’o k’exom chech ri’.

Eri ajsolinel rech taq ri ch’ich’ ri’ are kakikub’isaj rilik we ri ch’ich’ loq’om loq k’o pa usaqil ri’ rech kiq’atexik keleq’axik ri winaqil ri’.

Alerta de Corrupción

Ultimas noticias