Eri UPCV tajin kub’an ya’ltzijol ri’ “we k’o covid-19 chech le winaq ma jun k’ax taj, ma xutuj uwach, mat yoq’on chech xuquje’ ma witzelaj ri’”.

Are taqim k’ut rech kepixb’axik ri winaqil chi rij taq ri iltzelb’anik xuquje’ ri xutunik b’anom ruma ri jun itzel yab’il rech ri Covid-19, Kiq’atexik ri b’anoj k’ax itzelb’anik chi ke ri winaqil ri xetzij kumal ri jun itzel yab’il rech Covid-19, eri Jachakunb’al rech Prevención Comunitaria chech ri b’anoj k’ax, tajin kub’an ya’ltzijol ri’ “WE K’O COVID-19 CHECH LE WINAQ MA JUN K’AX TAJ, MA XUTUJ UWACH, MAT YOQ’ON CHECH XUQUJE’ MA WITZELAJ RI’”.

Eri ya’ltzijolil ri’ are utaqim utz kino’jixik ri winaqil rech utz kilik le winaq kab’anik, pa taq le flyers uwachwuj k’amq’aq’nil, pa le ukojik raqaj wujil pa taq nimab’e xuquje’ pa taq uq’axib’al tzij, uya’ik ub’ixik pa taq le uwachwuj rumal ri UPCV, eri chi uwach taq kanab’ejsax ub’ixik uq’atexik ri b’anoj k’ax ri’ xuquje’ rech ma xutuj kiwach le winaq e yab’ rumal jun itzel yab’il rech Covid-19 kuk’ ri xe’utzirik, rech kak’oji juntir pa joremal utz k’amoj ib’ pa we amaq’ tinamit.

Eri wujtzijol ri’ are tz’ajom xuquje’ xya’taj ub’ixik pa Kaqchikel xuquje’ pa Kaxla’n tzij, rech kaya’ utzijob’exik pat taq le k’ulb’a’t juyub’ pa amaq’il chi la’ San Marcos, pa Chinab’jul, pa Santa Rosa, pa Chiquimula, pa Jalapa xuquje’ Izabal kumal ri ajchajinel pa taq tinamit’ xuquje’ rumal ri Wokajil Ajchajil Tinamit.

Are wa’ xya’taj utzijoxik pa le q’axal taq tzijolil rech keta’maxik kitzijol ri winaqil ri k’o Covid-19 chi ke xuquje’ ri xe’utzirik, che ri xutun kiwach xuquje’ b’anom k’ax chi ke, jacha’ ri xk’ulmataj pa le Prados de Villa hermosa, San Miguel Petapa, chi’ k’ut e jaqal wi rachala ri a Ra’el, jun achi 51 ujunab’, ri xyab’ij ri jun itzel yab’il coronavirus, eri ki’kotemal xkina’o pa kanima’ aretaq xtzalij pa rachoch, xsach uwach rumal xitzelax uwach xuquje’ xb’an k’ax chi rech kumal ri winaqil e k’o panoq che ri rachoch, eri winaq chi la’ sib’alaj xkitz’apij kib’e chi la’ rech maj jun chik winaq ke’ok’ow ta chik chi la’. Eri a Elvia, rixoqil ri Raúl, xutzijoj eri jujun e ajk’ay kuk’ ri k’ayib’al chi la’ man xkaj ta chik xek’ayin chi ke rumal itzel xe’il chi la’ k’ut.

Rumal ri’ chomam chik are awa’ kaya’ utzijolil pa taq tzij ch’ab’al mam, ixil, q’eqchi’, mopan,garífuna, ch’orti’, poqomam xuquje’ k’iche’ ri’, rech are wa’ kaya’ utzijoxik chi ke ri winaqil pa qatinamit ri’.

Ultimas noticias

Alerta de Corrupción