Eri b’anoj nab’ejsab’al q’atenik k’ax ri’ are la’ rech kemol ri winaqilal e aj iximulew ri’ kuk’ ri q’atb’al tzij rech ri ya’olchajinem pa tinamit xuquje’ rech k’o jun riqoj ib’ pa jikomal kuk’ ri winaqilal ri’, rumal ri’ we q’ij kamik xb’antaj ri Feria rech ri Prevención ri’, pa komonchak rumal ri MInistterio rech Gobernación (Mingob). Eri b’anonem ri’ are la’ xb’an chi uwach ri campo Manía Villatoro rech ri zona 6 rech pa nimatinamit. Are wa’ xjaq uwach ub’anik rumal ri Tercer Viceministro rech Q’atenel K’ax ri’, Ronald Portillo ruk’ le Niña Comisaria xuquje’ ruk’ le Alcaldesa Auxiliar, Onelia Roca ri’.
Rumal ri’ eri Mingob xe’utaq ri rajchajinelab’ ri Subdirección General rech Prevención rech ri Delito ri’ rech ri Wokajil Ajchajil Tinamit (PNC) ri’. Ri Unidad rech Género xuquje’ Unidad rech ri Prevención Comunitaria rech ri K’ax (UPCV) ri’. Xuquje’ xek’oji rajchomanelab’ ri Nimaq’atb’al tzij rech nimatinamit Iximulew ri’. Chi la’ pa tinamit ri’ xkoj wi ronojel taq uwachib’al ri ya’ltzijolil ri’ ruk’ ri etz’anemb’al kech ri ak’alab’ ri’. Eri uwach ri je’lb’anoj ri’ are la’ xb’an uk’utik rumal ri molaj ajq’ojomb’ix Le combo xuquje’ rumal ri le Q’ojomab’al rech Ajchajil Tinamit, rech keq’ojomanik kuk’ ri winaqilal ri’.
“Kojtajin k’ut che unimaxik jun b’anoj utzalaj ub’e’al cholpatan ri’ che ri kab’an wi ri Ferias rech ri Prevención ri’ ruk’ taq cholb’inik ri’, kuk’ ri PNC xuquje’ ri UPCV qas chi la’ pa le zona 6 ri’. Chi la’ kaqata wi utzijol ri qas rajwaxik chi’ xuquje’ rech kachomaxik uq’atexik ri k’ax kub’an chi’”, xcha’ ri Viceministro Portillo ri’.
Eri Alcaldesa Auxiliar, Onelia Roca xumaltyoxij ri nimatob’anik xya’taj chi’ kumal ri wokajil ajchajil tinamit chi ke ri winaqilal ri’, “rumal ri’ sib’alaj kaqab’ij chi ke ri winaqilal ri’ rech chakib’ij loq pa le PNC wexa’ k’o ri k’ax kakilo kab’an chi’ rech kek’oji pa joremal jikomal ri’”.