Eri Viceministerio rech Ya’olchajinem pa amaq’el tajin kusolij ri chajinik katajin ri’

Are taqim k’ut kesolixik ri uk’olib’alil ya’olchajinem kumal ri Wokajil e Ajchajil Tinamit pa taq le nimab’e pa we amaq’, are rech b’a’ kilik majun winaq kab’inisam ch’ich’ keq’ax tane’ pa taq nik’aj chik tinamit ri’ pa taq le toque de queda ri’, xaq xu’ wiri’ keq’axik ri k’o kuwuj rech keq’ax ri’, rumal ri’ eri uwinaqil ri Mesa Tècnica xkib’an jun nim solinik pa le uk’olib’al ya’ochajinem pa le Km. 32 nimab’e kab’e pa Atlàntico ri’.
Are wa’ jun chi ke ri xtaq ub’anik rumal ri Primer Viceministerio rech Ya’olchajinem, are rech kilik we k’o pa usaqil ri b’anoj chak ri’ kumal ri uq’ab’ taqawokajil rech ri Ministerio rech Gobernaciòn ri’.

Pa le b’anoj solinem ri’ xetatb’enik reqa’lenel ri Inspectorìa General rech ri Wokajil  Ajchajil Tinamit xuquje’ rumal ri Asuntos Internos rech ri Ministerio rech Gobernación, e are k’ut e rajawtzij rech kakilo kanimaxik ri taqom loq xuquje’ rech eri reqa’lenel e ajchajil tinamit ri’ rajawaxik k’ut kakinimaj ri saqilb’an ib’ rech uq’atexik ri jun k’ax yab’il rech ri coronavirus COVID-19 ri’.

Alerta de Corrupción

Ultimas noticias