Are rech xtaqixik upajik uwach ri b’anoj puqchajinem pa rulewal tinamit aj iximulew ri’, rumal ri’ eri Quinto Viceministro rech Gobernación, Fernando Rodas, xmolin pa jun riqb’alil kuk’ ri q’atb’al tzij rech ri Subdirección General rech Análisis rech Información Antinarcótica (SGAIA) che ri e taqom pa chajinem pa we amaq’il ri’.
Pa le riqb’al ri’ eri jujun chi ke ri taqanelab’ ri’ xkiya’ ub’ixik ri puqchajinem kib’anom ri’ k’a we kamik kumal ri wokajil ajchajinelab’ e k’o pa reqele’n, pa le uriqik ri marihuana, cocaína, crack, amapola, jeri’ nik’aj chik jastaq ruk’ ri pwaq xriqitaj kuk’ ri narcotráfico ri’.
Eri Quinto Viceministro, Fernando Rodas, xuya’ub’ixik che we jun b’anoj riqb’al ri’ are la’ kab’an chi ik’ taq, are la’ rech pa komon ub’e’al ri ya’olchajinem kab’anik rech pa le kaq’atexik ri narcotráfico pa Iximulewal ri’ are wa’ ub’e’al ri b’anoj ya’olchajinem che ri katajin che utoq’ixik ub’anik rumal ri Ministro rech Gobernación, Gendri Reyes.
Eri viceministro Rodas, xuta chi ke ri q’atb’al tzij e antinarcóticos chakiya b’a’ kanima’ che ub’anik ri chak ri’, ri k’o pa keqale’nib’al xuquje’ ruk’ juntir ri kekowon che ub’anik pa jujun taq puqchajinem, sib’alaj xub’ij che ri komonchak are la’ k’o nim upatanib’al rech pa amaq’el k’o ri ya’olchajinem pa we Amaq’il ri’.
Eri tzijol rumal ri SGAIA, kub’ij pale 20 rech abril rech 2021, k’o 1,564,008.00 raqan chi tiko’n rech marihuana xriqitaj ri’, xuquje’ k’o 910,860 rajilab’al chi tiko’n rech coca, ruk’ 176,143.00 raqan chi tko’n rech amapola xuquje’ ruk’ 747.54 upajb’alil ri cocaína xriqitaj ri’.
