Eri Viceministro rech Ya’olchajinem, Gendri Reyes rachb’ilam ri K’amal b’e rech ri Wokajil Ajchajil Tinamit (PNC), José Antonio Tzuban xuquje’ ri Director Adjunto, Edwin Ardiano xe’opan pa tinamit rech Tactic, rulewal tinamit rech Alta Verapaz, rech xopan che ujachik jastaq rech tzuqb’al ri winaqil che ri xkiriq k’ax rumal ri kaqiq’ jab’ ETA chi la’ k’ut.
Eri patanelab’ ri’ xek’ul panoq rumal ri Ajkalte rech Tactic, Julio Baldomero Asig xuquje’ kumal ri Consejos Comunitarios rech Desarrollo (COCODE) rech taq ri kik’olib’em winaq xkiriq k’ax, che ri e k’o wi 1 mil chi winaqil e achalalil kiraqom k’ax ri’.
Pa le kopanik pa taq le kik’olib’al winaq che ri kiriqom k’ax e k’o pa le tijob’al Escuela Rural rech Tactic, pa le Rachoch komontyox rech ri Comunidad Nueva San Julián xuquje’ Escuela del Caserio Chiji, chi’ k’u ri’ xjach wi ri wa jastaq chi ke ri winaq chi’, ruk’ ri jastaq rech kakisaqab’isaj kib’, ri kuchb’al xuquje’ etz’ab’a’lil ri’.
Eri Viceministro Reyes xub’ij pa ub’i’ ri K’amal b’e Amaq’il, Alejandro Giammattei, ri Ministerio rech Gobernación xuquje’ ri Wokajil Ajchajil Tinamit xetob’an kuk’ ri winaqil, jeri’ xetob’anik rech xkesaj ri winaq pa k’ax ri’, xuquje’ k’o jastaq rech katijik xjach ri’, jeri’ kechoman kuk’ ri wokajilal ri’, pa le umolik ri jastaq xuquje’ rech kijach chi ke ri winaqil kiriqom k’ax ri’.
Eri Ajkalte rech Tactic, xumaltyoxij che ri Ministerio rech Gobernación rumal ri tob’anik chi ke ri winaqil rech ri tinamit ri’, chi’ k’u ri’ e k’o wi 1 mil chi winaqil e achalalil kiriqom k’ax ri’.
Pa le ujachik ri 1 mil 400 chi k’olib’alil rech wa rikil ri’, ruk’ 1 mil 500 chi kuchb’al kichi’ winaq ri’ xuquje’ ri etz’ab’a’l chi ke taq ala xuquje’ chi ke taq ali, are wa’ xchomaxik kab’anik ruk’ ri taqanel rech uk’olib’alil ya’olchajinem ri’ rech katerenb’exik ujachik wari’ pa taq juyub’ k’olib’al che naj keriqitaj wiri’.