Are chi’ xok loq ri Kaqiq’ Jab’ ETA pa we amaq’, eri Wokajil Ajchajil Tinamit sib’alaj ketajin k’ut che ya’oltob’anik chi ke ri winaqil rech ri juyub’ tinamit rech Izabal, rech le Verapaces xuquje’ El Quiché pane’ b’a’ pa le nim kaqiq’ jab’ ri’ xeb’e pa taq jalajoj nimab’e pa tinamit, pa uxo’l taq ja xuquje’ pa taq le avenidas rech xkitzukuj ri winaqil xkiriq k’ax ri’, rumal are wa’ xtaqon ub’ixik chi ke rumal ri viceministro rech Seguridad Gendri Reyes ri’.
Eri upatan ri’ are rech Kachajinik xuquje’ Katob’anik chi ke ri winaqil ri’, pa amaq’el kumal ri e ajchajil tinamit xuquje’ rech pa amaq’el sib’alaj kechajin ri’ ketob’an pa taq le jalajoj k’olib’em rech Puerto Barrios, rech Morales, Los Amates xuquje’ rech taq ri aldeas xuquje’ caseríos rech ri juyub’ tinamit K’iche’ (Quiché) xuquje’ rech Alta Verapaz, pa le katzukuxik ri winaqil che ri xkiriq k’ax rumal ri nimajab’ kaqiq’ jab’ ub’i’ ETA.
Jacha’ le xub’ij loq ri ajtzijolinel rech PNC Edwin Monroy xuquje’ ri Ministerio rech Gobernación pa le reqale’nib’al ri wokajil ajchajil tinamit ri’ rech qas kakinimaj ri ya’oltob’anem chi ke ri winaqil xkiriq k’ax pa le rulewal tinamit rech Izabal rumal ri nimajab’ kaqiq’ ja’ ub’i’ ETA.
“Eri qeqa’lenel e ajchajil tinamit tajin kewa’kat che ya’olchajinem ri’ xuquje’ e b’enaq pa taq le ch’ich’ rech kechajin ri’ xuquje’ rech are rajwaxik kakito’o ri winaqil kiriqom k’ax rech kakik’am b’i pa taq le ja rech kekunaxik chei ri e kojom chi la’ ri’ rech kek’am b’i pa taq le ch’ich’ (auto patrullas) rech chajinem ri’”, xcha’ ri ajtzijolinel chi’.
Eri reqa’lenel chajinem ri’ e k’o che uchajixik le kijastaq le winaqil che ri ke’esax pa k’ax ri’ xuquje’ e k’o che uchajiixik le kijastaq ri winaqil chi’ rumal k’ut eri kipatan ri PNC ri’ are e k’olik che kichajixik kito’ik ri winaqil pa kik’aslemal xuquje’ chi ke ri kijastaq ri winaqil e aj ixim tinamit ri’.
“Sib’alaj kojtajin k’ut unimaxik wari’ xecha’ ri q’atb’altzij rech e ajchajil tinamit xuquje’ rumal ri’ Viceministro rech Seguridad, Gendri Reyes ri xub’ij che sib’alaj ketajin k’ut che kito’ik ri winaqil ruk’ ronojel ri keta’mab’il ruk’ ri kichakub’al chi’ pa taq le juyub’ tinamit ri’”, xcha’ ri Monroy.
Xuquje’ e k’o jun molaj e eqa’lenelab’ rech ri División de Fuerzas Especiales (DIFEP) xetaq b’i chi’ rech ketob’anik ruk’ juntir le kichakub’al pa taq xub’an wi’ uwaja’ chi’, rech keta’m k’ut kemuxin chi’ we jeri’ rajwaxik ri’ pa le kitzukuxik ri winaqil chi’.