«Kuwaj kinlinya’ ub’ixik le itatb’enik pa le Concurso rech Barriletes Gigantes le xwok ub’anik rumal ri Recursos Humanos rech ri Ministerio rech Gobernación, chi’ k’u ri’ k’o jun nab’e xch’akonik pa le ilb’anik ri’, rumal ri’ kinki’kotirsaj kuwach xuquje’ kinmaltyoxij ri itob’anik, ri ronojel iwanima’ xuquje’ xuwaj ix xixtatb’enik pa le loq’b’enik xib’an che ri Amaq’il Ixim tinamit rech kib’an utz che iwib’ xuquje’ rech ix utz chik kixtzalij pa taq iwochoch ri’», xcha’ le Viceministro rech Seguridad, Gendri Reyes chi ke ri ixoqib’ e tz’apil pa le K’ak’ Japache’ ri’.
Xub’ij chik “Ri in in k’o che Viceministro kinb’ij eri K’ak’ ub’anikil Japache’ ri’, ya’tal k’ut chi ke konojel ri winaqil ri’, rech kakisuk’umaj kib’, rumal k’ut qonojel wa’ kujjo’staj ri’”.
Eri Nab’e Viceministro xub’ij che xopan pa Fraijanes I, rech kuq’axaj utzij ri K’amal b’e Amaq’ chi’, “Chaqe uj are nab’e ri’ upatanixik ri K’ak’ Taqanem pa Japache’ ri’ rumal ri’ kojtajin che upatanixik wari’ pa taq nik’aj chik japache’, rech b’a’ eri jun jikomal ub’anik ri’ are kab’an pa taq nik’aj chik ri’.
«Kinmaltyoxij ri b’anoj chakunem ri’ xuquje’ rumal iya’om iwanima’ ix pa taq le chakunik ri’ xuquje’ are uwach k’utb’al rech le b’anoj ri Barrilete ri’ chi jujunal ix, are wa’ jun utzalaj iyeb’al rech chi k’o jun q’ij kixo’l b’i chi’, rech kikx’oji kuk’ ri iwachalalil xuquje’ ri qas e are e nab’e ri’, xuquje’ rech kinna’taj ub’ixik chiwe eri chak xiweta’maj b’i chi’ are jun nim q’ajb’al q’ab’ chiwe chuwe’q kab’ij, xuquje’ are utz chiwe aretaq kixb’e kuk’ ri iwachalal pa iwochoch xuquje’ pa iri’jal ri’ rech are kikojo rech kixtob’an pa we amaq’ ri’», xcha’ ri Reyes Mazariegos chi ke.
En k’u ri’ le ixoqib’ xkimaltyoxij ri kitob’anik xya’taj chi ke kumal ri q’atb’altzij rech ri K’ak’ Taqanem pa Japache’ ri’ xuquje’ xkib’ij che ri jun wokib’al ri’ are xcha’ik pa k’i taq ch’ob’otal chak ri’, e pa le ub’anik uya’ik le rilik taq are xkoj xax wuj rech manila, rech china, b’atz’ rech kemob’al ri’, xuquje’ k’o b’ara rech tar xkikoj ri’, eri uwiqik xuquje’ le tzij xkoj chech taq are rech retalil xkisuk’umaj kib’ rech ketzalij pa kachoch, eri uchi’ japache’ ri’ e jaqalik are retal kub’ij che jaqatil kib’e rech keb’el loq.
“Eri jun achib’al ri’ are kub’an chaqe che ronojel q’ij ri’ keqachomaj ri e qachalal e k’o pa taq qachoch e are k’ut retal jun nim iyeb’al chaqe aretaq kojel b’i chi’”.