Aretaq xb’antaj ri solinem pa taq le okib’al xuquje’ elib’al b’i pa tinamit rech Iximulew ri’ eri Viceministro rech Seguridad, Gendri Reyes xuya’ loq ub’ixik che pa ronojel ri’ e k’o b’elejeb’ chi winaqil e a iximulew xechapataj loq rumal xkinimaj taj ri maj b’anoj wa’katem che ri xkoj pa le oxib’ q’ij ri’, k’a te lunes pa le jo’ob’ kajb’al rech nimaq’ab’ keb’in ri ch’ich’ xuquje’ ri kejch’ich’ ri’ xuquje’ eri xechapataj ri’ are xumal man xkinimaj ri maj b’anoj wa’katem q’axanik pa nik’aj chik tinamit ri’.
Eri Viceministro ri’ xuta chi ke ri winaqil e aj iximulew che ri kakinimaj b’a’ ri xtaq unimaxik rumal ri k’amal b’e amaq’ ri’, we qas k’o rajawaxik ri’, rajawaxik b’a’ rumal k’o yab’il ri’, are rajawaxik kata utzijol loq rech k’o pa usaqil chinaq keb’e loq ri’.
Eri Reyes qas xuya’ ub’ixik ri’ che ri Wokajil Ajchajil Tinamit b’im chi ke rumal q’atb’altzij ri’, che konojel ri winaqil che ri kakinimaj taq ri maj b’anoj wa’katem ri’ kakichap loq ri winaqil ri’ ri kek’owisan tzij ri’.
Eri ya’olchajinik ri’ are katerenb’ex ub’anik
Eri nab’e Viceministro rech Seguridad ri’ xub’ij k’ut eri ya’olchajinik che ri katajin ub’anik ri’ man katanab’ taj xuquje’ are rech kaya’ uchuq’ab’ ri ya’olchajinik ri’, are kasolix ub’anik ri’ rech kaya’ ub’ixik chi ke ri winaqil rech kakinimaj tzij ri’ jeri’ ub’ixik kab’an kuk’ ri PNC pacha’ ri ruk’ tinamit ri’, rumal ri’ pa le kilòmetro 26 nimab’e Interamericana xuquje’ pa le kilòmetro 32.5 rech ri CA9 are katoq’ax ub’ixik chi ke ri winaqil ri’.
Xuquje’ xub’ij, sib’alaj ketajin che rilik ri’ ri b’anoj wa’katem kumal e ajb’inisal ch’ich’ pa taq nimab’e rumal ri’ eri q’atb’altzij rech ri Ministerio rech Gobernaciòn xuquje’ ri wokajil ajchajil tinamit ri’ e k’o ri’ rech kakilo che ri winaq kakinimaj b’a’ ri taqom ub’ixik ri’. “Are wa’ qas kakaj uj eri winaqil kakich’ob’ k’ut che ri uj uj k’o che kachapik chinaq kunimaj ta tzij ri’, majun winaq b’a’ kel tane’ b’i pa taq le maj b’anoj wa’katem ri’”, xcha’.