Eri Viceministros xemolin kuk’ ri ajb’anol taqanib’al pa amaq’ chi rij ya’olchajinik pa taq nimab’e

 

Eri Viceministros Admnistrativos, Elizandro López xuquje’ ri rech seguridad, Gendri Reyes, rech ri  Ministerio rech Gobernación, xetatb’enik pa jun riqb’al ib’ kuk’ ri ajb’anol taqanib’al rech ri bancada Creo, rech ri Nimataqawokajil rech ri Amaq’ilal, rech xechoman chi rij ri tojb’al keqalexik winaq kesakik ri’ kumal taq ri ch’ich’ rech kakik’am b’i winaq e ajb’inisaxel ri’, aretaq kakiraq tane’ k’ax pa taq nimab’e.

Pa le riqb’al ib’ ri’ xetatb’enikr i q’atb’altzij rech Departamento rech Tránsito ri’ rech ri Wokajil Ajchajil Tinamit (PNC), ri k’amal b’e rech ya’olchajinik rech ri wokajilal ajchajil tinamit ri’, José Tzuban xuquje’ ri rajawtzij rech ri wokajil e ajchoq’e ch’ich’ e ajk’amel winaq pa taq tinamit ri’.

Ri viceministro, Gendri Reyes, xuya’ ub’ixik ucholaj eri e ajb’anol taqanib’al ri’, chi rij wa’ ri b’anoj chajinik katajin ri’, rech uto’ik uwach ri kik’aslemalil xuquje’ ri winaqil e aj iximulew pa le uq’atexik b’anoj k’ax ri’ xuquje’ rech uq’atexik ri raqoj k’ax pa taq nimab’e kumal ri ch’ich’ keb’inisax ri’.

Xuquje’ xuya’ utzijol che we kamik ri’ katajin jun komonchak kuk’ ri jalajoj taq jachakunb’al chi rij ri chakunem ri’, pa taq le Departamento rech Tránsito rech ri PNC, ri are katajinn che ri b’anoj chomaneik chi rij wari’.

Noticias Recientes