Eri resaxik ri wujil rech antecedentes policiales xmajtaj uya’ik panik’aj ik’ rech octubre xuquje’ pa taq le nab’e q’ij ri’, e k’o e k’i chi winaqil xe’opan che resaxik ri wujil ri’ e k’i taj xkesaj pa le k’ak’ uwachwuj k’amq’aq’nil ri’, rumal k’u ri’ k’o 98,210 chi wujil xesax pa ronojel ri’, xecha’ ri q’atb’altzij rech ri Wokajil Ajchajil Tinamit (PNC).
We kamik eri winaqil e aj iximulew ri’ are chik tajin ke’ok che resaxik kiwujil kuk’ ri ajchajil tinamit ri’ policiales.pnc.gob.gt k’a pa taq kachoch xuquje’ pa jachakunb’al ri winaqil ri’, chi paq’ij chi chaq’ab’ jumpa’ kikaj ri’ kakesaj, kakesaj ri’, xuquje’ utz b’a’ kachakun che resaxik loq ri k’ak’ esab’al rech ri’ e pa ik’ rech noviembre kanoq e k’o 66,071 chi wujilal xkita’o resaxik ri winaqil pa uwachwuj k’amq’aq’nil ri’ xuquje’ e k’o 56,694 chi winaqil xe’opan che resaxik kiwujil ri’ kuk’ ri e ajchajil tinamit, e pa ik’ rech diciembre, k’a pa le oxlajuj q’ij ri’ xq’alajinik, k’o ri’ 41,337 chi wujilal ri’ xesax pa uwachwuj k’amq’aq’nil, e k’o ri’ 28,898 chi winaqil xeb’e che resaxik ri wujil ri’ kuk’ e ajchajil tinamit.
Eri utz ub’anik resaxik ri’ are wa’ le utz upatan resaxik pa le sitio web policiales.pnc.gob.gt xuquje’ nab’e na kajaq jun cuenta rech usuario ruk’ ri contraseña ri’; te k’u ri’ katoj pa le pwaqb’al ja ri’, xuquje’ te k’u ri’ pa uwachwuj k’amq’aq’nil xuquje’ te k’u ri’ kataq uta’ik, ronojel ub’anik ri’, are wa’ pa nab’e mul, man k’ot b’a’ 5 minut kanajtib’ resaxik xuquje’ eri nuk’ulib’al tzijol kuya’ loq jun rachib’al pa formato PDF, ri k’o ri k’ak’ rachib’al ri Wujilal rech Antecedentes Policiales pa Uwachwuj K’amq’aq’nil ri’.
Pa k’isb’al ri’ pa uchi’ paqalil pa uwi’kiq’ab’ ri uwachwuj k’amq’aq’nil ri’ eri winaqil kuril ri’ keb’ tzij rech kacha’ik ri nab’e are Descargar are wa’ kuya’o rech kak’am ri’ rech kakol ri uwachwuj ri’ rech katz’ajik xuquje’ eri ukab’ are kuya’o rech Katz’aj ri wujil ri’ xuquje’ eri ub’i’ are kub’ij rech katz’aj ri wujil antecedente k’a pa le página web ri katajin rilik uwach.