Eri Q’atb’altzij rech ri Unidad rech Expertaje rech ri Wokajil Ajchajil Tinamit (PNC), xkitzuj panoq chi ke winaqil rech qatinamit aretaq kakiloq’ jun kich’ihc’ rech kakib’inisaj are rajawaxik ri’ kakik’amb’i pa jun comisaría rech kasolixik rech kilik we man eleq’am ta ri’, man tojom taj.

Eri Otto Marroquín, taqanel rech Expertaje sede Central, xuya’ ub’ixik chi ke ri winaq ri’ rech che’opan b’a’ pa le jun k’olib’al ajchajil tinamit rech kilik we k’o pa usaqil we man eleq’am ta ri ch’ich’, “pa le sub estación ri’ rech kasolix retal rajilab’al uchasis, uranch’ich’, ubin xuquje’ rajilab’al kojom chech ri’, chinaq e k’o naqaj che ri unidad rech expertaje rech ya’talil kakik’am b’i ri kich’ich’ ri’ xuquje’ rech kasolix chi’ man tojom taj”.

Eri Marroquín, xkub’isaj ub’ixik eri kasolixik ri’ man tojom taj xuquje’ rech kub’al k’u’x uloq’ik ri ch’ich’ kakib’an ri’ xuquje’ rech are wa’ man k’o jun winaq ri’ keleq’an rech ri’.

Pa we junab’, eri reqa’lenel ri Unidad rech Expertajes, eri Sección rech Q’atenik b’anoj elaq’an ch’ich’ ri’, k’o 34 chi ch’ich’ eri raqom chik pa le 2020 ri e k’o k’exom chi ke ri’.

Pa 2019, e k’o 81 chi ch’ich’ xeraqataj k’ut aretaq xesolix pa le Unidad rech Expertajes, k’o nik’aj ri’ maja’ na kakiloq’ ri ch’ich’ xuquje’ e k’o nik’aj chik kiloq’om chik ri kich’ich’ rech kakib’inisaj ri’.