Eri wokajil ajchajil tinamit k’o ya’olchajinik kub’an chi ke e aj antorchas, jeri’ pa le cholb’inem kab’an pa uq’anisaxik lakam amaq’

37

Konojel ri Comisarías, nik’aj chik k’olib’alil, subestaciones xuquje’ rachoch taq ajchajin tinamit, konojel ri’ kek’oji pa tob’anem, ya’olchajinik pa taq le nimaq’ij amaq’ pa taq tinamit, jeri’ pa taq nimab’e k’o pa taq tinamit xuquje’ pa taq nimab’e kab’an ri’ aretaq kaq’anisax ri lakam pa le Parque Central pa Uk’u’x Nimatinamit Iximulew, jeri’ utzijol xuya’ ri ajtzijolinel rech ri Wokajil Ajchajil Tinamit, Pablo Castillo.

 “Eri tijob’al kuk’ ri winaqil ri’ kuk’ chinaq jeri’ kakaj k’ut ya’tal chi ke kakita ke’achb’ilanik pa taq le k’amoj antorchas ri’ rumal k’ut are wa’ taqim ub’anik pa taq le unimaq’ij pa amaq’ ri’ pa joremal”, xcha’ ri Castillo.

Eri taqim ub’anik kuk’ ri ak’alab’, ri e q’apoj chik xuquje’ kuk e ri’j winaq rech e are jun pa taq le tijowanim kab’an ri’ qaraj e k’o e 50 mil chi antorchas kek’am loq pa amaq’ xuquje’ qaraj e k’o panik’aj q’inomal winaq ketatb’en pa le tijowanim ri’.

Eri kchak e ajchajinl tinamit

Chi ke nik’aj chik b’anoj kab’an ri’ eri Wokajil Ajchajil Tinamit (PNC) uchomam chik che pa taq le q’ij 13, 14 xuquje’ 15 rech Septiembre k’o ya’olchajinik kakib’an panoq, jeri’ pa taq le Plaza rech ri Obelisco, pa raq’anisaxik ri Lakam Amaq’ pa le Uk’u’x Nimatinamit xuquje’ pa le Tedeum pa le catedral Metropolitana.

Eri ajtzijolinel xub’ij che are rech k’o ilonem pa aninaqil ri’ ya’tal chi ke ri winaqil rech kesik’in panoq pa le 110 kuk’ ri e ajchajil tinamit rech kakiya’ loq ub’ixik we k’o b’anoj k’ax kakilo, rech pa aninaqil ketaq b’i ajchajinelab’ che rilik ri’ pa le cholb’inik pa le unimaq’ij amaq’ pa 15 rech septiembre xuquje’ pa le uq’anisaxik ri lakam amaq’ ri’.