Pa le uq’ijol ri 25 ujunab’ kutz’aqatisaj ri Wokajil Ajchajil Tinamit (PNC), xb’an jun nimcholajb’inem pa le K’olib’al rech Tijonik rech ri Escuela rech Formación kech Oficiales (esfop), zona 6 pa nimatinamit. Pa le ilb’anem pa le nimaq’ij ri’ xopan ri k’amal b’e Amaq’, Alejandro Giammattei, ri ministro rech Gobernación, David Napoleón Barrientos, ri viceministros rech ri Wokajil rech ya’olchajinem pa Amaq’, ri k’amal b’e e taqanel ri wokajil ajchajin tinamit xuquje’ kuk’ ri k’amal b’e chomanem rech ri comunidad internacional ri’.
“Pa le nimaq’ij rech ri 25 ujunab’ kutz’aqatisaj ri wokajil ajchajil tinamit, xjach ri nab’e wujila rech ri Ub’e’al Cholchak Taqanem rech Ajchajil Tinamit che ri k’amal b’e Amaq’ Alejandro Giammattei, rech kakub’isax uwach ri kik’aslemal ri winaq, rech k’o ya’olchajinem chi ke ri e ajchajil tinamit” xcha’ ri ministro Barrientos.
“Are k’o runimal che we taqon b’anoj chak ri’ rech utz kek’oji ri e ajchajil tinamit pa le kchak kipatan ri’, pa le uloq’axik kuwach ri’, rech kaya jun utzalaj kik’aslemal pa le wokajil ri’. xuquje’ rech ketzuqik, kaya katz’iyaq xuquje’ kchokonsab’al, rech utz b’a’ ri q’atenik kakib’an chi ke ri nuk’wokaj e ajb’anol k’ax xuquje’ ri narcotráfico pa Iximulew ri’, xub’ij ri ministro Barrientos.
Eri k’amal b’e Amaq’ xub’ij “Eri ub’e’al ri Kib’antajil ri Wokajil Ajchajil Tinamit are kojtajin che ub’anik ruk’ ri Ministerio rech Gobernación (Mingob). Xuril uwch ri ub’anik ri wokajilal ri’ pa jun b’anob’al kuk’ ri winaqilal rech kechajixik xuquje’ rech kak’am uq’ab’il ri b’anoj k’aslemalil ri’”.
“Xuquje’, kaqana’tej ri’ che eri 265 chi achijab’ xuquje’ e ixoqib’ rech ri loq’alaj wokaj chajin tinamit, ri xkiriq ri kamikal pa le ya’olchajinem winaqil pa we Amaq’. Rumal xklya kib’ pa kamikal ri’ are la’ jun nim sipanem xkiya chi kij konojel ri’”, xcha’ ri Q’atol tzij Amaq’.
“Pa taq ri 25 ujunab’ ri’ are kuk’ut che ri tijonem e ajchajil tinamit are sib’alaj utz, rumal ri’ pa enero rech ri 2023 kamajtaj ri tijonem rech oxib’ junab’ chi ke ri k’ak’ e taqanelab’ pa le Escule rech Formación kech Oficiales rech e Ajchajil Tinamit. Eri k’ak’ ub’anik ri’ are la’ kuchaq’ejisaj keta’mab’al kachomab’al ri’”, xcha’ ri k’amal b’e Amaq’ Giammttei.
Rumal ri’ eri Héctor Hernández, k’amal b’e rech ri PNC xub’ij: “Are k’o nim upatanib’al kaya nim utzijob’exik ri Ub’e’al rech Uwi’ Katijoxik e Ajchajil Tinamit ri xtaq ub’anik rumal ri Wokom Taqawokaj rech Iximulew xuquje’ rumal ri Taqawokajnem rech ri Ya’olchajinem pa Amaq’, xb’antaj kowonem xb’antaj uchakuxik rech kaya uchuq’ab’ ri wokajilal ri’”.
Pa le nimaq’ij ri’, eri jalajoj ri jachakub’al rech ri wokajil ajchajil tinamit, ri xecholb’inik xuquje’ xkik’ut ri na’wb’anoj ya’olchajinem kakib’an chi kuwach ri q’atb’al tzij. Xuquje’ xb’an ujachik retal na’tib’alil ri’, ri kuya chi ke rech ke’ok che Comisario General rech Ajchajil Tinamit.