Eri wokajil ajchajinelab’ ketajin che q’atenik toq’inik pwaq pa Iximulew

Eri tzukunem ya’olchajinik rumal ri División Especializada rech Investigación Criminal (DEIC) rech ri Wokajil Ajchajil Tinamit (PNC) xuquje’ rumal ri Ministerio Público (MP), xkichap loq e 40 chi winaqil xuquje’ xkichap loq e oxib’ q’apoj e ajtoq’il pwaq, e ajb’anol k’ax chi ke ajchoq’e ch’ich’, e ajb’inisal ch’ich’, k’o kamisanem xkib’an ri’.

Ri komonchak b’anom ri’
Eri ministro rech Gobernación David Napoleón Barrientos xub’ij: “Are wa’ uwach ri komonchak tajin rumal ri wokajil rech ri Ya’olchajinem pa Amaq’ xuquje’ ruk’ ri Ministerio Público ri’ xkib’an jun nim q’atenik chi ke ajtoq’il pwaq pa Iximulew, pa Villa Nueva, pa Mixco, pa San Juan Sacatepéquez, pa Escuintla, pa Suchitepéquez xuque’ pa Retalhuleu ri’, rech xekowon che kaq’atexik nik’aj molaj e ajb’anol k’ax pa we amaq’ ri’”.

Eri q’atb’al tzij ri’ xub’ij, “Eri b’anoj ub’ixik loq are k’o nim upatanib’al pa le q’atenik toq’inik pwaq ri’, kumal e ajq’atb’al tzij, rech maj jun winaq kab’an ta chik k’ax chi ke ri’”.

Are nim q’atenik xb’antaj rumal ri Q’atb’al tzij rech ri Ya’olchajinem pa Amaq’ ri’.

Noticias Recientes