Eri wokajil ajchajinelab’ ketajin che unimaxik ri chajinem ri’ Plan 38-2022 pa k’ulb’a’t juyub’

Eri Ministro rech Gobernación, David Napoleón Barrientos, xuya’ utzijol paq’ij martes ri’, che xunimarisax ub’anik uwach ri cholchajinem ub’i’ Plan 13-2022 ruk’ El Salvador ri’, pa le b’anoj ri’ 38-2022 ub’i’ Interinstitucional pa Fronteras rech ri  Triángulo Norte, paq’ij we kamik ri’, are chik jun ri Honduras pa le b’anoj chajinem, are wa’ xb’antaj chomataj kuwmal ri k’amal b’e Amaq’ilal rech ri keb’ nimatinamit ri’, pa komonchak ub’anik ruk’ ri Iximulew rech ub’anik jun nim chajinem pa taq k’ulb’a’t juyub’ rech uq’atexik kuwach ri nik’aj pandilleros ri’.

Eri Ministro Barrientos, xub’ij che paq’ij chi chaq’ab’ ri’ kab’an ri chajinem ub’i’ Plan 38-2022, rumal ri’ e k’i chik ri winaq e ajq’axel e chapom e tzalim chikij pa le frontera ri’, rech ketzalij b’i pa katinamit.

 “Kaqaya ub’ixik che ri kataqim uj are kechajixik ri winaqil che ri k’o kachoch keriqitaj pa taq ri k’ulb’a’t juyub’ri’ rech kaq’atexik ri pandilleros che ri kakaj ke’ok loq rech keq’ax b’i pa qatinamit, rumal ri’ xunimarisax uwcah ri cholchajinem rumal ri’ xetaq e 1 mil chi e ajchajinealb’ rech kechajin pa taq ri k’ulb’a’t juyub’ pa rulewal qatinamit chi la’ k’ut”, xcha’ ri Taqawokajnel rech ri Ya’olchajinem rech Qatinamit.

Pa Agua Caliente ri’

Rumal k’u ri’, paq’ij kamik eri reqa’lenel ri comisaría 23 rech ri División rech Puertos, Aeropuertos xuquje’ Fronteras (Dipafront) xuquje’ ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit xuquje’ ri Wokajil Ajchajil Amaq’ Iximulew, xkichap b’i e k’i winaq ri’ rech xkitzalij pa le frontera Agua Caliente, Esquipulas, Chiquimula ri’, qaraj e k’o 37 chi winaqil ri kepe pa jalajoj taq tinamit ri’.

Eri winaq xechap b’i e 24 e winaqilal venezolanos ri’, 9 rech Bangladesh ri’, keb’ rech china ri’ jun rech Cuba ri’, ri kab’ixik e are xe’ok pa rulewal qatinamit maj kiwujil keqam loq, rumal ri’ xechapik xetaq b’i pa le Instituto Guatemalteco de Migración (IGM) ri’.

Jeri’, e k’o 112 chi winaqil xil uwach kuwjilal, 57 chi ch’ich’ xil uwach kiwujil, e k’o 103 xsilox uwach kiwujil.

Pa Vado Hondo ri’

Pa le uk’olib’al chajinem xkoj pa le kilómetro 177 ri’, pa rulewal ri aldea Vado Hondo, Chiquimula ri’, chi la’ k’ut xta wi kiwujilal e 137 chi winaqil, ri xilotaj kitzijol kumal e Ajchajil Tinamit ri’ k’o 163 chi kiwujil winaq xil ri’ xuquje’ ri ch’ich’ ri’.
Chi la’ k’ut xeriqitaj wi loq e 16 winaq bolivianos, ri e b’enaq pa le ch’ich’ rech erelwinaq ri’.

Eri chajinem pa wokajilal ri’ xukoj ri k’i taq uk’olib’al chajinem rech uq’atexik winaq maj kiwujil rech keq’ax ri’ xuquje’ rech keq’atexik ri pandilleros salvadoreños xuquje’ hondureños pa rulewal qatinamit aj iximulew; xuquje’ eri wokajil ajchajinelab’ keqam ri chakub’al ub’i’ MI-3 pa rilik kitzijol ri winaqil ri’.

Noticias Recientes