Eri Wokajil e Ajchajil Tinamit tajin ketob’an pa le Korlim Ya’olchajinem pa taq le tinamit rech Tz’oloja’

We kamik eri K’amal b’e Amaq’ Alejandro Giammattei, xuya’ ub’ixik ucholajil ri kojb’al rech ri acuerdo Gubernativo 10-2020 ri xya’ loq utzijolil pa le Diario Oficial, rech xtaq ukojik ri Korlim Ya’olchajinem pa taq le tinamit rech Nawal ja’, rech Santa Lucia Utatlán xuquje rech Santa Catarina Ixtahuacán, pa Tz’oloja’ ri’.
Rumal ri’ eri Edwin Monroy, ajtzijolinel rech e ajchajil tinamit xuya’ loq ub’ixik che e k’o 700 chi eqa’lenel rech ri jalajoj taq jachakunb’al rech ri PNC ri katajin wi che b’anoj tob’anik rumal ri’ Wokajil e Ajchajil Amaq’ Iximulew pa taq le tinamit ri’.

“Are wa’ jun chakunem katajin chi kuwach ri taqawokajilal ri’ rech are kaqaj uj eri winaqil man kakititz’o ta kib’ pa taq le tinamit ri’, rech majun b’anoj ch’oj tane’ chi’ xuquje’ rech kanimaxik juntir le xutaq ub’ixik ri K’amal b’e Amaq’ ri’”, xcha’ ri Monrroy.

Xya’taj utzijol ri’ eri retab’al b’anoj ri’ are ri’ xkojik rumal ri b’anoj ch’ojinik che ri k’a te xkib’an ri winaq chi rij taq ri juyub’ chi’ xuquje’ rumal k’ut man k’ot b’anoj ub’ixik ri’ rech tane’ kachomaxik ri naj chik katajin ri’.
Pa taq le b’anoj tzukunem ya’olchajinik ri’ ketajin ri reqa’lenel ri jachakunb’al rech Q’atel b’anoj k’ax ri’, ri Lobos Grill, ri Fuerzas Especiales, ri Inspectorìa General, Antinarcòticos xuquje’ rumal ri DIPRONA ri’.

Alerta de Corrupción

Ultimas noticias