Pa taq le q’ij ri’ kopan kach’ab’exik ri winaq e tz’apil pache’ ri’, rumal ri’ eri K’amal b’e Wokajil Japache’ Tz’apib’al (SP), Luis Alfonso Escobar, xub’ij che kab’an jun nimalaj ya’ochajinem pa le wokajil japache’ ri’ kumal taq ri reqa’lenelab’ ri Divisiones rech ri Wokajil Ajchajil Tinamit xuquje’ kumal ri Equipos Élites rech ri SP.
Eri Escobar, xub’ij k’o chik ri chakub’alil rech toq’oj kunb’al rech q’ateb’al yab’il ri’ are la’ kub’an jun nimalaj utzilem chi ke ri winaq ke’opan pa solinik chi la’ kuk’ ri e tz’apil chi la’ ruk’ ri ub’anik ukojik ri saqab’isab’alil ri’ rech kemajtaj taq ri winaqil che ri jun yab’il ri’.
“Pa le junab’ ri’ k’o chik 75 chi solinem b’anoj pache’ tz’apib’al pa we amaq’ are rech keq’atexik ri tz’apil pache’ ri’ rech kak’oji ta pa kiqab’ ri jastaq ya’tal ta chi kech ri’ pa we amaq’”, xcha’.
Rumal ri’ eri q’atb’al tzij xkib’an jun sik’inem chi kech ri winaqil rech maj jun kuk’am b’i jastaq maj pa usaqil pache’ ri’ we jeri’ kakib’anoj kek’am b’i pa q’atb’al tzij chi rij ri’.