Eri cholchak rech ya’olchajinem xtaq ub’anik rumal ri k’amal b’e amaq’ Alejandro Giammattei xuquje’ rumal ri ministro rech Gobernación, David Napoleón Barrientos, are xub’an ri’ rech xq’atataj pa juntir ri b’anoj k’ax pa we amaq’.
“Eri tzukunem rech q’atenik k’ax ri’ are la’ xb’antajik rumal k’o ri xya’taj loq ub’ixik kumal winaqil ri’ xuquje’ eri q’atenik ri k’ax ri’ are la’ xub’an utzilem chi ke ri winaqil rech kab’an ta k’ax chi ke kumal e ajb’anol k’ax”.
Eri patanel rech ya’olchajinem pa qatinamit, xub’ij che ri rumal k’ut pa amaq’el tajin ri ya’olchajinem ri’ kumal ri Wokajil Ajchajil Tinamit (PNC) pa taq ri comisarías xuquje’ ri jachakub’al ri’ rech k’o pa ujikomal ri taqanib’al pa we amaq’.
K’o keb’ q’ij ri’ maj jun winaq kamisan tane’ pa taq le q’ij 19 xuquje’ 25 rech pa le ik’ rech pa junab’ 2020 ri’.
Eri q’atb’al tzij rech ri Mingob ri’ sib’alaj xkib’ij che kakiterenb’ej ub’anik ri puqchajinem tzukunik rech kaq’atexik ri e ajb’anol k’ax pa Iximulew ri’.