Eri b’anoj tzukunem ri’ are katajin ri’, rech terenb’em ri b’anoj cholchak rech ya’olchajinem rech Awas Q’ij pa taq le japache’ tz’’apib’al ri’, eri wokajil japache’ ri’ k’o xutaq ub’anik jun b’anoj tzukunem pa le Japache’ Kitz’apib’al Achijab’ xuquje’ Ixoqib’ ri k’o pa Los Jocotes, Zacapa ri’.
Eri reqa’lenelab’ ri Grupo Élite e are k’ut xkikik’am ub’e’al ub’anik ri tzukunem ri’, kachb’ilam ri Puqchajinel rech Sak’ajil Tzukunem, ri Unidad rech Análisis xuquje’ Inspectoría xuquje’ ri Unidad K-9 ri’.
Eri q’atb’altzij rech wokajil japache’ ri’ xkib’ij eri b’anoj tzukkunem ri’ are la’ rech xterenb’exik ri b’anoj cholchak rech ya’olchajinem ri’ pa le Awas Q’ij ri’, xuquje’ rech uq’atexik b’anoj k’ax chi’; ruk’ ri b’anoj tzukunem ri’ xb’antaj kowinem xriqitaj k’i taq jastaq rech b’anoj k’ax ri maj pa usaqil pa taq le juk’al jun (21) japache’ kitz’apib’ winaq ri’.
Rumal k’ut xb’an ri tzukunem pa taq le q’ij ri’ e k’o k’i ch’a’wib’alil, ruk’ chips rech ch’a’wib’alil, ch’ich’ uk’olib’al rech cerveza, lame’t rech tzam, pisob’al rech marihuana ri’, pisoj rech taq awan kunb’alil q’ab’arsib’al, sik’ rech awan kunb’alil, ruk’ smartwach xuquje’ ruk’ k’i kojomch’ich’ rech ya’b’al uq’aq’ ri ch’a’wib’alil ri’.