Eri tzukunem ri’ are rech uq’atexik b’anoj k’ax chike ri alab’om alitom ri’, rumal ri’ eri reqa’lenel ri Sección rech Trata, rech ri Investigación Criminal rech ri Wokajil Ajchajil Tinamit xuquje’ kumal ri Q’atol tzij rech ri Ministerio Público, k’o kajib’ tzukunem xkib’an pa zona 1 ri’, chi’ k’u ri’ xkichapo e keb’ winaq kab’ixik e are kakik’am b’i pa b’anoj achk’ulaj chi ke ri winaqil ri’.
Eri q’atb’altzij ri’ xkiya’ loq utzijol che ri nik’aj winaq xechapataj ri: a Víctor Manuel Juárez González xuquje’ ri al Silvia Victoria Cutzal González, e are k’ut tajin xkib’an k’ax achk’ulaj chi ke e k’i ixoqib’ 18 ujunab’ jun chi ke eri jun chik 19 ujunab’ ri’, pa le negocio ub’i’ COCO SPA GT, che ri tajin kub’an ri chakunem pa taq uwachwuj k’amq’aq’nil, chi’ k’u ri’ kiya’om panoq ub’ixik ri rajilab’al jun ch’a’wib’al rech kib’im kesik’ix panoq ri’ rech kakeye’j ri winaqil chi’ xuquje’ k’o jun uwach wuj utaqom b’i rech kakino’jisaj ri winaqil rech ya’talil ke’ok chi la’ k’ut.
Pa le b’anoj tzukunik ri’ xriqitajik 23 chi ch’a’wib’alil ri jalajoj retalil ri’, jun k’olib’al k’o ri marihuana chi upam ri’ xuquje’ pwaqil b’otolik.
Eri Q’atb’altzij rech Primera Instancia Penal, ri are kakilow uq’atexik ri b’anoj k’ax ub’i’ Trata de Personas rech ri pa Ixim Nimatinamit ri’ ri xutaq kichapik loq.