Eri Departamento rech Tránsito rech ri Wokajil Ajchajil Tinamit katajin che b’anoj k’i solinem ri’ rech uq’atexik riqoj k’ax pa taq nimab’e ri’.
Eri Observatorio Nacional rech Seguridad rech ri Tránsito (ONSET), xub’ij e pa le junab’ 2021 ri’ k’o chik 2 mil 482 chi k’ax riqom pa nimab’e ri’ pa ronojel k’ut e k’o chik 779 chi winaqil e kaminaq ri’ xuquje’ e k’o 2 mil 352 xesakataj ri’.
Eri b’anoj taq solinem ri’ are la’ rech ke’ilik ri e ajb’inisal ch’ich’ we keqam kiwujil rech tarjeta rech circulación xuquje’ ri wujil rech kakib’inisaj le ch’ich’, rumal ri’ tajin kakib’ij chi ke rech qas chakinimaj b’a’ kakiqajisaj kakirumumij kib’ ri’, mech’a’w panoq pa ch’a’wib’al aretaq kakib’inisaj le kich’ich’ xuquje’ kesolix ri winaqil ri’ rech kilik we e q’ab’arel taj kakib’inisaj le ch’ich’.
Eri riqoj k’ax pa nimab’e e pa junab’ ri’ k’o chik pa jun 5% ri’ man je ta ri’ ruk’ ri junab’ir kanoq are chi’ e k’o pa jun 41% xekam ri’, rumal ri’ sib’alaj kaya’ ub’ixik chi ke ri e ajb’inisal ch’ich’ ri’ rech pa nojimal chakib’inisaj ri kich’ich’.