Eri Ministro rech Ya’olchajinik pa Amaq’ aretaq xtaq utzijol chi re chi rij ri japache’ k’o pa reqale’n ri PNC, pa Chuwi’meq’ina’, xub’ij ri’ eri K’amal b’e Amaq’, Alejandro Giammattei, xub’ij k’ut che ri japache’ are tz’aqat chi ke ri qastzij ketz’apib’ chi upam ri’, man je ta ri’ chi ke ri man kumaj taj ketz’apib’ chi’.
Eri qas k’ax wa’ chi’ eri nab’e kab’anik are ketz’apix pa le japache’ xuquje’ te k’u ri’ kamajtaj tzukunik chi kij, rumal ri’ qas katitz’om kib’ chi’ xuquje’ are wa’ naj chik ketajin ri’, xcha’.
Qas are wari’ man utz ta kurilo ri K’amal b’e Amaq’, rech rajawaxik b’a’ kilik chinaq tz’aqat che katz’apib’ ri’ xuquje’ chinaq katz’apib’ pa rachoch ri’.
Xub’ij chik eri titz’oj ib’ pa le japache’ ri’ ri qas jewa’ b’anom ri’, man k’ot pa usaqil ri’, rumal k’ut e k’o winaq ketz’apib’ che ri e k’o wi ri pandilleros rumal ri’ kakimaj toq’inik pwaq chi ke winaq ri’, rumal k’ut are utz kakil chik kakeleq’aj pwaq ri’.
Rajawaxik k’ut man kab’an k’ax chi ke ri e ajchajil tinamit ri’ rumal k’ut eri e are rajawaxik kek’oji pa pa uxo’l ja pa tinamit rech kechajin chi ke ri winaqil ri’ xuquje’ xuquje’ ri keraqataj chi’ che kachajixik ri e ajpache’ ri’.
Are katajin uq’atexik uchuq’ab’ e ajb’anol k’ax ri’
Xuquje’ eri jun chik katajin kuchomaj ri Ministro ri’ are ri ilonb’al chakunem pa Chuwi’meq’ina’ ri’ rech kuteremb’ex kaq’atexik ri ajb’anol k’ax ri’ ruk’ katob’anik ri k’amal b’e patanel pa taq juyub’ tinamit ri’ xuquje’ ruk’ katob’anik ri winaqilal pa juntir ri.
“Eri kaqaj uj ruk’ qatob’anik qonojel ri’ xuquje’ ruk’ ri utz ya’olchajinik kumal e ajchajil tinamit qaq’atij kuwach ri e ajb’anol k’ax ri’ xuquje’ maltyox b’a’ che ri tzukunem ya’olchajinik katajin kuaml ri winaqil pa taq le cantones ri’”.