Are wa’ jun b’anoj k’usnik chi rij ya’olchajinik kub’al k’u’x pa le kojob’al rech ri internet ri’, rech uq’atexik b’anoj k’ax chi ke winaq k’a pa taq le uwachwuj pa k’amq’aq’nil ri’, rumal ri’ katajin jun b’anoj chomanik ri’ chi rij K’amoj ub’e ri Ciberseguridad pa Tinamit ri’, pa b’anoj tijonem ri’.

Rumal ri’ eri Gabriel Juárez Lucas, viceministro rech tecnología rech ri Ministerio rech Gobernación, xub’ij are wa’ chakunik kab’an pa le b’anoj tijonem ri’ rech keta’maxik uwach jun b’anikil rech nab’ejsab’al q’atel b’anoj k’ax chi ke ri winaqil, rech ketzijob’ex chi rij taq ri k’ax che ri k’a te’et kakiraqo pa le uwachwuj pa k’amq’aq’nil xuquje’ rech jas le uq’atexik kab’an ri’.

“Eri uj qas qeta’m k’ut ruk’ ri b’anoj tijonem ri’ are kuchomaj uq’atexik ri k’axk’onem k’o pa we amaq’ ri’ xuquje’ chi’ k’u ri’ are rajawaxik ri b’anoj chak qumal chi rij ya’el ub’ixik ri ciberseguridad ri’”.

Eri Juárez xuya’ ub’ixik ucholaj che ri jun b’anoj chakunem ri’ are ri’ pa le Ministerio rech Educación, pa le q’atatal k’o ajchoq’e xuquje’ ruk’ ri tijob’al are rech k’o qas kato’wik pa le b’anoj chakunem ri’, rech pa le ub’anikil tijonik chi ke ak’alab’ xuquje’ q’apojil ri’.