Katajin uq’atatajik ri b’anoj k’ax kamisanik pa Jutiapa ri’

Eri q’atb’al tzij rech ri Taqawokajnem Ya’olchajinem pa le Amaq’il, Gendri Reyes Mazariegos pa b’anoj komonchak ruk’ ri Nab’e Tob’taqawokajnel rech Ya’olchajiem ri’ Carlo Franco Arzúa xuquje’ ruk’ ri b’anoj puqchajinem rumal ri Wokajil Ajchajil Tinamit ub’i’ (PNC) eri rajilanem b’anoj ri’ are xuk’utu che pa tinamt rech Jutiapa ri’, sib’alaj katajin uqajik uchuq’ab’ ri rajilanem b’anoj taq kamisanik pa le nab’e q’ij pa le 30 q’ij rech octubre ri’.

Xuquje’ xub’ij chik pa le Ub’ik ri K’amal b’e Amaq’il, Alejandro Giammattei xuquje’ ri kumal ri consejo rech Ministros xuquje’ rech Viceministros ri’ we q’ij kamik tajin kub’ano, che xb’e uqajik uchuq’ab’ ri b’anoj k’ax pa le tinamit ri’.

Pa le xub’ij ri Primer Viceministro ri’ xub’ij k’ut che e chapom chik 1596 chi winaqil kakib’an ri k’ax, kichapom chik wuqub’ chi ch’ich’ xuquje’ jo’lajuj chi kejach’ich’ ri’, 309 chi ch’ich’ ri’ xuquje’ 268 chi kejach’ich’ ri’ xuquje’ e riqom chik 137 chi k’aqb’alil ri’.

Pa le b’anoj chak rumal ri Quinto Viceminsterio Antinarcótico pa Jutiapa ri’ xb’antaj kowonem xb’antajik 22 chi tzukunik ri xq’atataj wi jun molaj b’anol k’ax ub’i’ «Tono Jerez» ri e k’o e julajuj chi uwinaqil xb’antaj kowonem xechap ri’ e are ri’ kab’ixik xekamisaxik jun reqa’lenel ajchajil tinamit chi’.

Xb’antaj kowonem k’ut xechapataj k’i molaj uwinaqil ri narcotráfico ri’ rumal ri’ k’o awan kunb’alil, awan jastaq xriqitajik ruk’ pwaq ri’ are la’ Q. 584,514.13 chi puwaqil ri’ pa b’anoj taq tzukunem ya’olchajinik ri xechap wi loq e 77 chi winaqil e ajb’anol k’ax ri’.

Eri kaq’atexik ri’ sib’alaj katajin ri’

Eri Viceministro, Franco Urzúa, xub’ij e pa Jutiapa xkojotaj wi jun comisión Departamental rech Q’atel k’ax, ruk’ 17 chi comisiones Municipales rech q’atenik, 95 chi Comisiones Comunitarias rech Q’alanem Q’atenik, k’o kab’lajun chi Chomab’al Tinamit ri’ xwok uwach, k’o 26 chi Comisiones kech Ixoqib’ xkojik pa ronojel ri’ e k’o 7,767 chi winaqil xya’taj utzilem chi ke pa taq le k’amoj ib’ xuquje’ chomanik winaqilal ri’.

E k’o 1,902 chi winaq xeta’ik ruk’ ri programas ri’ rech kasuk’umaxik ri’, e k’o 100 chi ak’alab’ xeta’ rumal ri programa Escuela Policial rech Vacaciones ri’ xuquje’ e k’o 2608 chi uwinaqil ri sociedad civil xetijoxik chi rij Q’alanem Q’atenik K’ax ri’.

Pa k’isb’al ri’, eri Primeri Viceministro xub’ij che rumal ri’ xb’antaj ri ya’oltzijolil rech yab’al uchuq’ab’ ri Q’alanem rech Q’atenik k’ax ri’ ruk’ wujilal rech utzijob’exik ri’, k’o 26,895 chi pimawuj rech ya’ltzijol xjacha ri’, ruk’ nik’aj ub’anik xuquje’ k’o wujtzijol xjipix ri’, k’o spots xb’an pa radio, pa taluwach xuquje’ pa redes sociales ri’.

Noticias Recientes