Eri Tercer Viceministro rech Q’atel k’ax, Ronald Portillo xuya’ ub’ixik che are katajin uchomaxik rech kaq’atexik ri kapetisan ri b’anoj k’ax ri’, eri maj ya’ol chak pa amaq’ ri’, ri maj kokik ri winaqil pa tijonem, jeri’ pa b’anoj kunanem ri’, rech kakiriq tane’ jun utz kichak winaq ri’, ri are kub’an ri utz che ri winaq ri’, are la’ kumaj b’i kitob’anem ri gobernaciones departamentales ri’.
Eri maj uriqik ri utzilem ri’ are la’ kuya’ nimak’ax che ri winaqil rech kupetisaj b’anoj k’ax ri’, xcha’ ri Portillo, “eri tijoj tzam kaq’ab’arisan ri’, are la’ kuya’ pa k’ax ri ixoqib’ kab’an k’ax chi ke ri’”. Eri k’ax pa kachoch winaq are la’ q’atatajel ri’, ruk’ katob’anik ri q’atb’al tzij rech taq tinamit, kumal taq gobernaciones departamentales ri’ rech katz’apixik kak’ayix wi tzam ri’.
Eri q’atb’al tzij ri’, rech Q’atenik k’ax ketajin ri’ che uchomaxik wari’, rech kaq’atexik ri petisab’al k’ax ri’, “eri e q’apojil e k’o kuk’ ri pandillas ri’, e k’o kakimin kuk’ ri e’ajb’anol k’ax ri’ rumal man kachoman kech pa kachoch, rumal ri’ kakitunu kib’ kuk’ ri e’ajb’anol k’ax”, xcha’ ri Portillo.
Eri Portillo, xub’ij che ri komonchak kuk’ ri gobernaciones are sib’alaj k’o nim upatanib’al, “ri ix iweta’m na chaqawach uj rumal iweta’m jas ri k’o pa le itinamit ri’, pa taq ri iwaldeas ri’ ri k’axk’onem k’o chi la’, ix iweta’m jas le qas rajwaxik kachomax ri’, ri b’anoj k’ax kaq’atexik ri’, pa iq’ab’ ix k’o wi ri kowonb’al rech k’o ri kichomaj rech pa wokajil uchomaxik kib’an pa taq itinamit, eri uj kaqaj kujtob’an iwuk’ rech kesuk’umax ri rachoch taq tijonem e tzaqom kanoq are la’ pa wokajil kab’an usuk’umaxik ri’ xuquje’ rech kaq’atexik ri ch’a’ojinem kumal ri winaqilal rech kechomax ri’”.
Jeri’ xub’ij ri ajpatanel ri’: “Eri uj kaqaj kab’an komon chakunem iwuk’ ix rech keqachomaj pa juntir ri winaqil xuquje’ rech kujtob’an che ub’anik ri ya’olchajinem pa tinamit rech kab’antaj kowonem kaq’atatajik ri b’anoj k’ax ri’”.